ނިއުޔޯކްގައި އިންޑިއާގެ ބޮޑު ވަޒީރު ނަރެންދްރަ މޮދީއާއެކު ބޭއްވެވި މަޝްވަރާތަކުގައި ގޫގުލްގެ ސީއީއޯ ވިދާޅުވަނީ އިންޑިއާއަކީ އާޓިފިޝަލް އިންޓެލިޖެންސް ނުވަތަ މަބަށް ބޮޑު ފުރުސަތެއް އޮތް ޤައުމެއް ކަމަށެވެ. ނިއުޔޯކުގައި މޮދީ ވަނީ އެމެރިކާގެ ޓެކްނޮލޮޖީގެ ކުންފުނިތަކުގެ ވެރިންނާއެކު ވަށް މޭޒު ޖަލްސާއެއް ބާއްވަވާފައެވެ.
މޮދީ ވަނީ އިންޑިއާގެ ތަސައްވުރާއެކު ޓެކްނޮލޮޖީ ކުންފުނިތަކާއެކު އިންޑިއާގެ ވިޜަންއަށް ފޯކަސް ކުރައްވާފައެވެ.
ގޫގްލްގެ ސީއީއޯ ސުންދަރު ޕިޗާއީ ވަނީ ގޫގްލްގެ ޕިކްސެލް ފޯނުތައް އިންޑިއާގައި އުފައްދާތީ އެކަމަށް ފަޚުރުވެރިވާ ކަމަށް ވިދާޅުވެފައެވެ. އޭނާ ވިދާޅުވީ އިންޑިއާގައި ހެލްތްކެއާ، އެޑިއުކޭޝަން ފަދަ އެކި ދާއިރާތަކުން އާޓިފިޝަލް އިންޓެލިޖެންސްގެ އެޕްލިކޭޝަނަށް ފުރުސަތުތަކާއި އަލަށް އުފެދިގެން އަންނަ ޓެކްނޮލޮޖީއަށް ފުރުސަތު އޮތް ކަމަށެވެ.
މޮދީ އެދިވަޑައިގަތީ ހެލްތްކެއާ، އެޑިއުކޭޝަން، އަދި އެގްރިކަލްޗަރ ފަދަ އެޕްލިކޭޝަންތަކާ މެދު ވިސްނުމަށާއި އިންޑިއާގެ އިންފްރާސްޓްރަކްޗާއާއި ޑޭޓާ ސެންޓަރުތަކާއި ކަރަންޓާއި ހަކަތައާއި އަދި އިންޑިއާއަށް ބަދަލު ކުރެވޭނެ ފަދަ އިންވެސްޓްމަންޓާ މެދު ވެސް ބައިވެރިން ވިސްނައި ވަޑައިގަތުމަށެވެ.
ޕިޗާއި ވިދާޅުވީ، ގޫގުލް އިން މަބަށް ބޮޑު އިންވެސްޓްމަންޓެއް ކުރަމުންދާ ކަމަށާއި އިންޑިއާގައި މަބަށް އިތުރު ފުރުސަތުތައް ހޯދުމަށް އިންޑިއާ ސަރުކާރުގެ އިދާރާތަކާ ވެސް ޕާޓްނަޝިޕް ހަދަމުންދާ ކަމަށެވެ.
