ޒަޔަނިސްޓު އިޒްރޭލީ ޔަހޫދީން ހޮނިހިރު ދުވަހުގެ ފަތިހު އީރާނަށް ވައިގެ ހަމަލާތަކެއް ދީފިއެވެ. ޒަޔަނިސްޓުންގެ “ލަޝްކަރުން” އިސްލާމީ ޖުމްހޫރިއްޔާއަށް “އަމާޒުކޮށްގެން” ހަމަލަ ދިނީ، އީރާނުގައި ވެރިރަށް ތެހެރާންގެ ވަށައިގެން ވާ ސަރަހައްދުތަކަށެވެ. ބާރުދަގަ ގޮވުންތަކުގެ އަޑު އީރާން މީޑިއާއިން ވަނީ ކަށަވަރުކޮށްދީފައެވެ.
އީރާނުން ރިޕޯޓު ކޮށްފައިވާ ބައިނަލްއަޤްވާމީ މީޑިއާއިން ބުނަނީ، ޒަޔަނިސްޓުން ދިން ހަމަލާގައި ތެހެރާންގެ އިމާމް ޚުމޭނީ އެއާޕޯޓާއި މެހެރާބާދު އެއާޕޯޓްތަކަށް އަމާޒުކޮށްގެން ހަމަލައެއް ދީފައި ނުވާ ކަމަށެވެ.
ޒަޔަނިސްޓުން ދިން ހުރިހައި ހަމަލައަކީ، ވައިގެ ދިފާޢީ ހަރަކާތްތަކާ ގުޅުންހުރި ހަމަލަތައް ކަމަށް ބުނެއެވެ. އަދި އޭގެ އިތުރުން ޒަޔަނިސްޓުން އީރާނުގެ ތެޔު އުފައްދާ އެއްވެސް ފެސިލިޓީއަކަށްވެސް އަމާޒުކޮށްފައެއް ވެސް ނުވެއެވެ.
ޒަޔަނިސްޓުންގެ ހަމަލާތައް ތެހެރާން ގަވަރުނަރޭޓްގައި ހުރި 3 ބޭސްއަކަށް އަމާޒުކުރުމުން އީރާނުގެ ވައިގެ ދިފާއީ ބާރުތަކުން އެކަމަށް ރައްދުދީ ފައިވާ ކަމަށްވެސް ބުނެފައި ވެއެވެ.
ޒަޔަނިސްޓުންގެ މީޑިއާއިން ބުނެފައި ވަނީ އިމާމް ޚުމޭނީ އާއި މެހެރާބާދުގެ އެއާޕޯޓުތަކުގެ ތެޔޮ ފެސިލިޓީތަކަށް އަމާޒުކޮށްގެން ހަމަލަ ދިން ކަމަށެވެ. އީރާނުން ވަނީ އެކަން ދޮގު ކޮށްފައެވެ. އަދި އީރާނުން ރިޕޯޓު ކުރާ މީޑިއާއިންވެސް އެކަން ކަށަވަރު ކޮށްދެއެވެ.
ޒަޔަނިސްޓުންގެ ހަމަލަތައް އަމާޒުކޮށްފައި ވަނީ ތެހެރާން ޕްރޮވިންސްގެ ދެކުނާއި ހުޅަނގުގައި ހުރި އަސްކަރީ މަރުކަޒުތަކަށެވެ. އަދި އިރުމަތީ ތެހެރާން ޕްރޮވިންސްގައި ހުރި އީރާންގެ ވައިގެ ދިފާއީ ބާރުތަކުން ދުޝްމަނުންނަށް ރައްދު ދިން ކަމަށް ރިޕޯޓުކޮށްފައި ވެއެވެ.
