މިދިޔަ ހަފްތާ ބަންދުގައި ދުބާއީގެ ނައިބު ރައީސް އަދި ބޮޑުވަޒީރު، ދުބާއީގެ ވެރިޔާ، ޝައިޚް މުޙައްމަދު ބިން ރާޝިދު އާލްމަޚްތޫމް އިޢުލާނު ކުރެއްވި، އާޓްސް މިއުޒިއަމަކީ ފެން މަތީގައި އޮންނަ މުތީއެއް ފަދަ ތަނެއްގެ ގޮތުގައި ތަޞައްވުރު ކުރެވޭ ތަނެކެވެ. “ދުބާއީ އާޓްސް މިއުޒިއަމް” ގެ ނަމުގައި ހުޅުވާ މި މިއުޒިއަމް ޤާއިމުކުރެވިފައި ވަނީ ދުބާއީ ކްރީކްގައިވާ ރަށެއްގައެވެ.
މި މިއުޒިއަމް ތަރައްޤީކޮށްފައި ވަނީ އަލް ފުއްތައިމް ގްރޫޕް އިންނެވެ. އަދި މިއީ ޖަޕާނުގެ މަޝްހޫރު އާކިޓެކްޓް ތަދާއޯ އާންޑޯ ޑިޒައިން ކޮށްފައިވާ ތަނެކެވެ. މި މިއުޒިއަމް ޑިޒައިން ކުރެވިފައިވާ ގޮތުން، ފެނުގެ މަތީގައި އޮންނަ މުތީއެއް ފަދަ ތަނެއްގެ ގޮތުގައި ފެންނާނެއެވެ.
މި މިއުޒިއަމްގެ 5 ފަންގިފިލާގައި ހިމެނޭ މައިގަނޑު ބައިތަކުގެ ތެރޭގައި: ފުރަތަމަ އަދި ދެވަނަ ފަންގިފިލާގައި ގެލެރީ ހޯލްތައް ހުންނާނެ އެވެ. އަދި ތިންވަނަ ފަންގިފިލާގައި ރެސްޓޯރެންޓް އަދި ވީއައިޕީ ލައުންޖް ހިމެނޭއެވެ. އަދި އެންމެ ތިރީ ބައިގައި އަދި ބިންގަރާހުގައި އާންމުންނަށް ޚިދުމަތްތައް ދޭ ތަންތަން ޚާއްޞަ ކުރެވިފައިވާނެއެވެ.
“ދޫމާ” ގެ ނަމުގައި ހިންގާ މި މަރުކަޒުގައި ފަންނާނުންނާ އެކު ވާހަކަ ދެއްކުމުގެ ފޯރަމްތަކާއި ޚާއްޞަ މުނާސަބާތަކާއި، ތަޢުލީމީ ޕްރޮގްރާމްތަކާއި، އާޓް އެގްޒިބިޝަންތައް ވެސް ބޭއްވުމަށް ވެސް ވަނީ ހަމަޖެހިފައެވެ.
