ޓެކްނޮލޮޖީ ދާއިރާގެ ބޮޑު ކުންފުންޏެއް ކަމަށްވާ އެޗްސީއެލްޓެކް އިން ވަނީ ހަކަތަ މަދުން ބޭނުން ކުރާ ކުޑަ ސެމިކޮންޑަކްޓަރ އައިޕީ އުފެއްދުމުގައި މަޝްހޫރު ޑޮލްފިން ސެމިކޮންޑަކްޓަރާ އެކު ސްޓްރެޓީޖިކް ގުޅުމެއް ގާއިމުކޮށްފިއެވެ. މި ގުޅުމުގެ މައިގަނޑު މަގުސަދަކީ ހަކަތަ ބޭނުންކުރާ މިންވަރު ކުޑަ، އެހެން ނަމަވެސް މަތީ ފެންވަރުގެ މަސައްކަތް ކުރެވޭ ކޮމްޕިއުޓާ ޗިޕްސްތައް ގުޅިގެން އިންޑިއަގައި އުފެއްދުމެވެ. މި ބައިވެރިވުމުގެ ސަބަބުން، ދުނިޔޭގެ ފެންވަރުގައި އިތުރުވަމުން އަންނަ ހައި ޕާފޯމަންސް އަދި ހަކަތަ ބޭނުން ކުރާ މިންވަރު މަދު ޗިޕްތަކަށް އޮތް ޑިމާންޑު ފުއްދައި ދިނުމަށް މަގުފަހިވާނެއެވެ.
މި ޕާޓްނަރޝިޕްގެ އެންމެ ބޮޑު އެއް މަގުސަދަކީ ދެމެހެއްޓެނިވި ގޮތެއްގައި ޓެކްނޮލޮޖީ ކުރިއެރުވުމެވެ. އެޗްސީއެލްޓެކް އިން ވަނީ ޑޮލްފިންގެ ޚާއްސަ ލޯ-ޕަވަރ އައިޕީތައް އެ ކުންފުނީގެ ސިސްޓަމް އޮން ޗިޕް ޑިޒައިން މަސައްކަތުގެ ތެރެއަށް ވެއްދުމަށް ނިންމާފައެވެ. މިއީ ކޮމްޕިއުޓޭޝަނަލް ބާރު ދެމެހެއްޓުމާއެކު ހަކަތަ ބޭނުންކުރާ މިންވަރު ކުޑަކޮށް، ސްކޭލް ކުރެވޭނެ ފެންވަރު މަތި ޗިޕްސް އުފެއްދުމަށް މަގުފަހިކޮށްދޭނެ ކަމެކެވެ. މިގޮތުން އުފައްދާ ޗިޕްސްތަކަކީ އެނާޖީ ކޮންސަމްޕްޝަން ކުޑަކުރާނެ ޗިޕްސްތަކެކެވެ.
މި ގުޅުމުގެ ސަބަބުން އިންޓަރނެޓް ބޭނުންވާ ޑިވައިސްތަކުން ފެށިގެން ޑޭޓާ ސެންޓަރުގެ އިކޯސިސްޓަމްތަކާ ހަމައަށް، ހަކަތަ މަދުން ބޭނުންކުރާ ކޮމްޕިއުޓިންގެ ދާއިރާއަކަށް އެހީތެރިވެދެވޭނެއެވެ. ޚާއްސަކޮށް އާޓިފިޝަލް އިންޓެލިޖެންސް ގެ ބުރަ މަސައްކަތްތަކަށް ބޭނުންވާ ޗިޕްސްތަކުގެ ހަކަތަގެ ބޭނުން ކުޑަކުރުމަށް މި ޕާޓްނަރޝިޕް މަގުފަހި ކޮށްދޭނެއެވެ.
