ބަނގްލަދޭޝްގެ ހަމަނުޖެހުންތަކާއެކު، އެޤައުމަށް ލިބޭ ފޭރާން އުފެއްދުމުގެ އޯޑަރުތައް މަދުވާން ފަށައިފިއެވެ. އިންޑިއާގެ ފޭރާން އުފައްދާ ފަރާތްތަކުން ބުނާ ގޮތުގައި އެ ފަރާތްތަކަށް ވަނީ މިކަމުން ފައިދާ ވާން ފަށާފައެވެ.
ޓިރޫޕޫރު ނިޓްވެއާ އެކްސްޕޯޓް ހަބުން ބުނަނީ، ބަނގްލަދޭޝްގެ ސިޔާސީ ހަމަނުޖެހުންތަކާ ގުޅިގެން މިދިޔަ ދެ ހަފްތާގެ ތެރޭގައި ބަންގްލަދޭޝަށް އޯޑަރުތައް ލިބުމުގެ ބަދަލުގައި، ހެދުން އުފެއްދުމުގެ މަސައްކަތުގައ މަޝްހޫރު ޓިރުޕޫރަށް 450 ކްރޯޑް ރުޕީސްގެ އަގުހުރި އެކްސްޕޯޓް އޯޑަރުތައް ލިބިފައިވާ ކަމަށެވެ.
އެ އޯޑަރުތައް ލިބިފައި ވނީ، ޖަރުމަނުގެ ކިކް ބްރޭންޑާއި، ނެދަލެންޑްސްގެ ޒީމަން، އަދި ޕޮލެންޑްގެ ޕެޕްކޯ ފަދަ ގްލޯބަލް ބްރޭންޑްތަކުންނެވެ. އެންމެންވެސް ބޭނުންވަނީ، ކްރިސްމަސް އާއި އައު އަހަރުގެ ކުރިން އެމީހުންގެ އޯޑަރުތައް ނިންމައި ޑެލިވަރީ ހަދައި ދިނުމަށެވެ. ލިބިފައިވާ ކޮންމެ އޯޑަރެއްގެ އެއްޗެއްގެ އެންމެ ކުޑަ އަގަކީ 3 ޑޮލަރުކަމަށް ޓްރިޕޫރް އެކްސްޕޯޓާސް އެސޯސިއޭޝަން (ޓީއީއޭ) އިން ބުނެއެވެ.
އުތުރުގައި ނޮއިޑާ އެޕެރަލް އެކްސްޕޯޓްސްއިން ބުނަނީ، އެފަރާތަށް ލިބެމުންދާ އޯޑަރުވެސް 15 ޕަސެންޓަށް އިތުރުވެފައިވާ ކަމަށެވެ. އޭގެ ތެރޭގައި ޒާރާ ބްރޭންޑްގެ ގިނަ ޢަދަދެއްގެ ތަކެތި ހިމެނެއެވެ.
