ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފަލަސްޠީނުގެ ރައީސް މަޙުމޫދު ޢައްބާސްއާާ މިއަދު ބައްދަލު ކުރައްވައިފިއެވެ. ރައީސުލްޖުމްހޫރިއްޔާ، މަޙުމޫދު ޢައްބާސްއާ ބައްދަލު ކުރެއްވީ އދގެ 79 ވަނަ އާންމު މަޖިލީހުގެ ޖަލްސާގެ ހަވާސާގައެވެ.
މިބައްދަލު ކުރެއްވުމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ، ފަލަސްޠީނުގެ މައްސަލާގައި ބައިނަލްއަޤްވާމީ މެޙުފިލްތަކުގައި ރާއްޖެއިން ފަލަސްޠީނުގެ ދިފާޢުގައި ވަކާލާތު ކުރުން މަތީ ދެމި އޮންނާނެ ކަމުގެ ޔަޤީންކަން ފަލަސްޠީނުގެ ރައީސަށް ދެއްވާފައެވެ. އަދި އިޒްރޭލުން ފަލަސްޠީނުު ރައްޔިތުންނަށް ދެމުނ ގެންްދާ އަނިޔާތައް ކުށްވެރިކުރައްވައި، ރައީސުލްޖުމްހޫރިއްޔާ ވަނީ ޒަމާނުއްސުރެން ރާއްޖެއިން ފަލަސްޠީނުގެ މިނިވަން ދައުލަތެއް ޤާއިމް ކުރުމަށް ގެގެންގުޅެމުންދާ ސިޔާސަތުތައް ދަމަހައްޓަވާނެ ކަމުގެ ޔަޤީންވެސް ދެއްވާފައެވެ.
މަޙުމޫދު ޢައްބާސް ވަނީ ފަލަސްޠީނުގެ ރައްޔިތުންނާ ދެކޮޅަށް އިޒްރޭލުން ހިންގަމުން ގެންދާ ޢުދުވާންތަކާއި ފަލަސްޠީނު ރައްޔިތުންނަށް ދެމުން ގެންދާ އަނިޔާތަކާ ބެހޭ މަޢުލޫމާތު ރައީސުލްޖުމްހޫރިއްޔާއާ ޙިއްސާ ކުރައްވާފައެވެ.
ފަލަސްޠީނުގެ ރައީސް ވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ޒަޢާމަތުގައި ރާއްޖެއިން ފަލަސްޠީނަށް ބައިނަލްއަޤްވާމީ މައިދާނުގައި ދެމުންގެންްދާ ހިފެހެއްޓުމެއް ނެތް ތާއީދަށް ޝުކުރު އަދާކުރައްވާފައެވެ. ދެ ބޭފުޅުންގެ މަޝްވަރާތައް ބާއްވަވާފައި ވަނީ އެކުވެރި ރަޙުމަތްތެރި މާހައުލެއްގައެވެ.
