އިޒްރޭލުން ބުނެފައި ވަނީ އީރާނުގެ ޙަމަލައަށް ބަދަލު ހިފާނެ ކަމަށެވެ. އީރާނުން ބުނެފައި ވަނީ ބަދަލު ހިފައިފިނަމަ ކުރިއަށް ވުރެން ބޮޑު ހަމަލައެއް ދޭނެ ކަމަށެވެ. އިޒްރޭލުން ބަދަލު ހިފުމަށް ވިސްނާފައިވާ ކަންކަމުގެ ތެރޭގައި، ތެޔޮ އުފައްދާ ތަންތަނަށް ޙަމަލަ ދިނުމާއި، މަސްއޫލުވެރިން އަވަހާރަ ކޮށްލުމަށް ހަމަލަ ދިނުމާއި، އީރާނުގެ ވައިގެ ދިފާޢީ ނިޒާމަށް ހަމަލަ ދިނުން ހިމެނެއެވެ.
ޒަޔަނިސްޓުން ބުނެފައި ވަނީ އެއަށްފަހުވެސް އިޒްރޭލަށް އީރާނުން ހަމަލައެއް ދީފިނަމަ ނިއުކްލިއަރ މަރުކަޒުތަކަށް ހަމަލަ ދިނުމަށް ފަސް ނުޖެހޭނެ ކަމަށެވެ. އީރާނުންވެސް މި އިންޒާރު ވަނީ ކުރިންވެސް ތަކުރާރުކޮށްފައެވެ.
މިދިޔަ 70 އަހަރުގެ ތެރޭގައި ދުވަހަކުވެސް ނުރައްކާ ވެފައި ނުވާ މިންވަރަށް މިހާރު މެދުއިރުމަތި ވަނީ ނުރައްކާވެފައެވެ. އަދި ލަފާ ކުރެވެނީ މި ނުރައްކާ ނިމިގެންދާނީ ކޮންމެވެސް އެއް ފަރާތަކުން އަނެއް ފަރާތަށް ނިއުކްލިއަރ ހަމަލައެއް ދީގެން ހެންނެވެ.
ދެ ފަރާތުންވެސް ބަހުގެ ހަނގުރާމައިގައި ބުނަމުން ދަނީ ނިއުކްލިއަރ ހަމަލައަކީ ވިސްނުމުގައި އޮތް ކަމެއް ކަމަށެވެ.
