ކެނެޑާގެ ސިޔާސީ މަސްރަޙުގައި ސިކުންގެ ބާރުގަދަ ކަމާއި ނުލަފާކަމުގެ ވާހަކަ، ސީރިއަސް ބަހުސކަށް ވެއްޖެއެވެ. އާންމުކޮށް ހިމޭން ގައުމެއްކަމަށް ބެލެވޭ ކެނެޑާގައި ސިކުން، ހިންދޫންގެ ދިވާލީ ފެސްޓިވަލަށް ހުރަސްއަޅައި ފައްޅިތަކުގެ ގޯތެރެއަށް ވަދެ މީހުންނަށް ބިރު ދައްކައި ފައްސާލި މައސަލަ ކެނެޑާގެ ޕާލަމެންޓުގެ އިންޑިއާ ދަރިކޮޅުގެ މެމްބަރުން ވަނީ ކުށްވެރިކޮށްފައެވެ.
ބްރެމްޕޓަންގައި ސިކުން ހިންގާފައިވާ ހަމަނުޖެހުންތައް އިންޑިއާއިންވެސް ވަނީ ކުށްވެރިކޮށްފައެވެ.
ސިކުންގެ ދަރިކޮޅުގެ ޖަމާއަތްތަކުން ބުނަމުން ދަނީ، ވޯލްޑް ސިކް އޯގަނައިޒޭޝަން (ޑަބްލިޔުއެސްއޯ) ގެ ތެރޭގައި ހިމެނޭ ހަރުކަށި ފިކުރުގެ މީހުން ކެނެޑާގެ ސިޔާސީ ދާއިރާއަށް ވަދެދާނެ އެވެ. ސިކް ކޮމިއުނިޓީގެ ކުރީގެ މެމްބަރު ބޮބް ރާއި މިވާހަކަތައް މީޑިއާގައި ރިޕޯޓުކޮށްފައި ވެއެވެ.
ބޮބް ރާއި އަކީ ކުރިން ސިކުންގެ މީހެކެވެ. އޭނާ ވަނީ ސީނީ ހަރުކަށިކަން އިންތިހާއަށް އިތުރު ވެފައިވާ ކަމަށް ބުނެ، ސިކު ދީން ދޫކޮށްލާފައެވެ.
ކެނެޑާއާއި އިންޑިއާއާ ދެމެދު ބޮޑުވަމުންދާ ސިޔާސީ މައްސަލައާއެކު، 1985 ވަނަ އަހަރު އެއާ އިންޑިއާ އެއާލައިން ސިކުންގެ މީހުން ގޮއްވާލި ހާދިސާ ތަހުގީގުކޮށް އޭގެ ލިޔުންތައް ހާމަކުރުމަށް ގޮވާލާ އަޑުތައްވެސް ދަނީ އިތުރު ވަމުންނެވެ.
