އިންޑިއާގައި ކެޕިޓަލް އިންޓެންސިވް ދާއިރާތަކުގައި ވަޒީފާ އުފެއްދުން އިތުރު ވެފައިވާ ކަމަށް ގޯލްޑްމަން ސަކްސްގެ ރިޕޯޓެއްގައި ބުނެފި އެވެ.
އެ ރިޕޯޓުގައިވާ ގޮތުން އިންޑިއާގައި ގިނައިން ރައުސްމާލު ހޭދަކުރަން ޖެހޭ ކެޕިޓަލް އިންޓެންސިވް ސިނާއަތްތަކުން އެކްސްޕޯޓް ކުރުމުގެ ދާއިރާއިން ނިސްބަތުން ރަނގަޅު ނަތީޖާތަކެއް ހޯދާފައިވެއެވެ. އެހެންވެ ސަރުކާރުން ފޯކަސް ކުރަނީ އިލެކްޓްރޯނިކްސް، މެޝިނަރީ، އަދި ބޭސް އުފެއްދުންތަކުގެ ސިނާއަތް ކުރިއެރުވުމަށް ހިތްވަރު ދޭށެވެ.
ފާއިތުވި ދިހަ އަހަރު ތެރޭގައި ކެމިކަލް އުފެއްދުންތަކާއި މެޝިނަރީތައް ހިމެނޭ ސިނާއީ ސެކްޓަރުގެ ތެރޭގައި ކެޕިޓަލް އިންޓެންސިވް އިތުރު ކުދި އެހެން ސެކްޓަރުތައް އުފެދި، އެކްސްޕޯޓާއި ވަޒީފާގެ ދާއިރާއިން ވެސް ބޮޑު ކުރިއެރުމެއް ހޯދިފައިވާ ކަން ފާހަގަކުރެވުނެވެ.
ކެޕިޓަލް އިންޓެންސިވް ސިނާއަތްތަކަށް ފޯކަސް ކުރުމުން އިންޑިއާއަށް ފާހަގަކޮށްލެވޭ ނަތީޖާއެއް ލިބިފައިވާއިރު، ކުރިއަރާފައިވާ ޤައުމުތަކުގެ މާކެޓްތަކަށް އެކްސްޕޯޓް ކުރުމުގައި 2 އަދަދުގެ ކުރިއެރުމެއް ހޯދާފައިވާ ކަމަށް އެ ރިޕޯޓްގައި ބުނެފައި ވެއެވެ.
އަގު ބޮޑު އުފެއްދުންތައް އެކްސްޕޯޓު ކުރުމަށް އިންޑިއާއިން ވަނީ ކުރިއެރުން ހޯދާފައެވެ.
