މީޑިއާ ކޮންޓްރޯލު ކުރުމަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ޤަބޫލުފުޅު ހަމައެއް ނޫން ކަމަށް އެމަނިކުފާނު ވިދާޅުވެއެވެ. އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ،
“މާތްވެގެންވާ އިސްލާމްދީނާއި ދިވެހިރާއްޖޭގެ ޤާނޫނުއަސާސީއާ ޚިލާފު ނުވާހާ ހިނދަކު ދިވެހި ދައުލަތުގެ ސިޔާދަތީ ބާރު ހިނގާ ސަރަޙައްދުގައި ކޮންމެ ދިވެއްސަކަށްވެސް އެމީހެއްގެ އަމިއްލަ މިނިވަންކަމާއެކު އެމީހަކު ބޭނުން ކަމެއް ކޮށް އުޅުމުގެ ޙައްޤު އޮންނާނެ” ކަމަށެވެ.
މީޑިއާ ކޮންޓްރޯލު ކުރުމާ ބެހޭ ބަހުސް އާންމު ވެފައި ވަނީ، އަމިއްލަ މެމްބަރަކު މަޖިލީހަށް ވެއްދި މީޑިއާ ރެގިއުލޭޓު ކުރާ ދެ އިދާރާ އެއްކޮށްލުމާ ބެހޭ ބިލާ ގުޅިގެންނެވެ.
ބްރޯޑްކާސްޓިން ކޮމިޝަން (ބްރޯޑްކޮމް) އާއި މޯލްޑިވްސް މީޑިއާ ކައުންސިލް (އެމްއެމްސީ) އެއްކޮށްލުމަށް ފަހު އައު ކޮމިޝަނެއް އެކުލަވާލުމަށް ހުށަހެޅުއްވީ ތުޅާދޫ ދާއިރާގެ މެމްބަރު އަބްދުލް ހަންނާން އަބޫބަކުރެވެ.
އެ މައްސަލައާ މެދު ވެރިކަން ކުރާ ޕާޓީ ޕީއެންސީން ގޮތެއް ނިންމާފައެއް ނުވެއެވެ. ޕީއެންސީގެ މެމްބަރު މެޖޯރިޓީ ލީޑަރު ވަނީ އިތުރަށް ދިޜާސާ ކުރުމަށްފަހު ބަސް ވިދާޅުވާނެ ކަމަށެވެ.
ނޫސްވެރިންގެ ޖަމުއިއްޔާ އެމްޖޭއޭ އިން ވަނީ ދެ މުއައްސަސާ އެއްކޮށްލުމަކީ އެންމެ ރަނަގޅު ކަމެއް ކަމަށް އިޝާރާތް ކޮށްފައެވެ. އެފަރާތުން އިއުތިރާޒް ކޮށްފައި ވަނީ އެ ކޮމިޝަނަށް މެމްބަރުން އައްޔަން ކުރުމަށް ހުށަހޅާފައިވާ ގޮތާ ބެހޭ ގޮތުންނެވެ.
