އެފްރިކާއާއި ގުޅުން ބަދަހި ކުރުމަށާއި ޖީ20ގެ ސަމިޓްގައި ބައިވެރިވެ ވަޑައި ގަތުމަށް، އިންޑިއާގެ ބޮޑުވަޒީރު ނަރެންދުރަ މޯދީ ނޮވެމްބަރު މަހުގެ 16 އިން 21 އަށް ނައިޖީރިއާ، ބްރެޒިލް އަދި ގަޔާނާއަށް ވަޑައިގަންނަވާނެއެވެ.
މި ދަތުރުފުޅަކީ އިންޑިއާގެ ޚާރިޖީ ސިޔާސަތުގައި ފާހަގަކޮށްލެވޭ މުހިންމު ދަތުރެއް ކަމަށް މީޑިއާއިން ރިޕޯޓު ކުރެއެވެ. މި ދަތުރުގައި މުހިންމު ޑިޕްލޮމެޓިކް އެންގޭޖްމަންޓްތަކާއި ބައިނަލްއަގްވާމީ ސަމިޓްތައް ހިމެނެއެވެ.
މި ދަތުރަކީ އިންޑިއާގެ ނުފޫޒާއި ޕާޓްނަޝިޕްތައް ތަފާތު ސަރަހައްދުތަކުގައި ފުޅާކުރުމަށް މޯދީ ކުރައްވާ މަސައްކަތުން ބައެއް ކަމަށް މީޑިއާއިން ބުނެއެވެ.
އިގްތިސާދީ އެއްބާރުލުމާއި، ހަކަތައިގެ ރައްކާތެރިކަމާއި، ސަގާފީ ޑިޕްލޮމެސީއާއި، މަލްޓިލެޓަރަލް އެއްބާރުލުމަށް ފޯކަސްކޮށްގެން ކުރައްވާ މޯދީގެ މި ދަތުރުފުޅުގެ މަގުސަދަކީ އެފްރިކާ، ދެކުނު އެމެރިކާ، އަދި ކެރިބިއަންގެ މުހިންމު ގައުމުތަކާ ގުޅުން ބަދަހިކުރުމެވެ.
މޮދީ ނައިޖޭރިއާއަށް ވަޑައިގަންނަވަނީ، ރައީސް ބޯލާ އަޙްމަދު ޓިނުބޭގެ ދަޢުވަތަކަށެވެ. މިއީ 17 އަހަރަށްފަހު އިންޑިއާގެ ބޮޑު ވަޒީރަކު ކުރައްވާ ފުރަތަމަ ދަތުރުފުޅެވެ. އިޤްތިޞާދީ، ދިފާޢީ، އަދި ހަކަތައާ ގުޅުންހުރި ޕާޓްނަރޝިޕްތައް ހަރުދަނާކުރުމަށް ނައިޖޭރިއާގައި މޮދީ ވާހަކަ ދައްކަވާނެއެވެ.
ނޮވެމްބަރު 18-19 އަށް މޮދީ އުޅުއްވާނީ ބްރަޒިލްގައެވެ. އެއީ، ރައީސް ލޫލާ ޑި ސިލްވާ އިންތިޒާމްކުރައްވާ ރިއޯ ޑި ޖެނީރޯގައި ބާއްވާ ޖީ20 ސަމިޓްގައި ބައިވެރިވެ ވަޑައިގަތުމަށެވެ.
ނޮވެމްބަރު 19-21 ގައި މޮދީ ގަޔާނާގައި ކެރިކޮމްގެ ޤައުމުތަކާއެކު ސަމިޓު ބައަދަލުވުމެއް ބާއްވަވާނެއެވެ. މިއީ 1968 ވަނަ އަހަރަށްފަހު ފުރަތަމަ ފަހަރަށް ގަޔާނާގެ ރައީސް ޑރ.މުޙައްމަދު އިރުފާން އަލީގެ ދަޢުވަތަކަށް އިންޑިއާ ބޮޑު ވަޒީރަކު ގަޔާނާއަށް ކުރައްވާ ފުރަތަމަ ދަތުރުފުޅެވެ.
ވިޔަފާރިއާއި، އިންވެސްޓްމަންޓާއި، ހަކަތަ ރައްކާތެރިކުރުމަށް ގަޔާނާގެ ތެލުގެ ވަސީލަތްތަކާ ބެހޭ ގޮތުން މޮދީ ވާހަކަ ދައްކަވާނެއެވެ.
