އިންޑިއާއިން ވަނީ އިގްތިސާދީ ތަރައްގީއާއި ދެމެހެއްޓެނިވި ގޮތެއްގައި ކަންކަން ކުރިއަށް ގެންދިއުމާއި ކަނޑުގެ ޑިޕްލޮމެސީއަށް އަލިއަޅުވާލައި ސްމޯލް އައިލެންޑް ޑިވެލޮޕްމަންޓް ސްޓޭޓްސް (އެސްއައިޑީއެސް) އާއެކު ސްޓްރެޓެޖިކް ޕާޓްނަޝިޕްތައް ވަރުގަދަ ކުރަން ފަށާފައެވެ.
ދާދިފަހުން ގަޔާނާގައި ބޭއްވި ކެރިކޮމް-އިންޑިއާ ސަމިޓަކީ ކެރިބިއަން ގައުމުތަކާއެކު ދެފަރާތުގެ މަސްލަހަތު ކުރިއެރުވުމަށް އިންޑިއާއިން ކުރާ މަސައްކަތް ދައްކުވައިދޭ މުހިންމު މައިލްސްޓޯނެކެވެ. މި އެއްބާރުލުން ފުޅާވެފައިވަނީ އިއާދަކުރަނިވި ހަކަތަ، ނޫ އިގްތިސާދު، މޫސުމީ ބަދަލުތަކާ ކުރިމަތި ލުން، އަދި ސިއްހީ ފަރުވާ ފަދަ މުހިންމު ދާއިރާތަކަށެވެ.
ކޮމިއުނިޓީ ޕްރޮޖެކްޓްތަކަށް އިންޑިއާއިން 14 މިލިއަން ޑޮލަރުގެ ގްރާންޓާއި ސޯލާ އަދި ކްލައިމެޓް އިނިޝިއޭޓިވްތަކަށް 150 މިލިއަން ޑޮލަރުގެ ކްރެޑިޓް ލައިނެއް ކުދި ގައުމުތަކަށްދޭނެ ކަމަށްވެސް އެ ސަމިޓްގައި އިއުލާން ކުރިއެވެ.
އިންޑިއާއިން ކުދި ޤައުމުތަކަށް މި އެހީތައް ދޭނީ، އިންޑިއާ-ޔޫއެން ޑިވެލޮޕްމަންޓް ޕާޓްނަޝިޕް ފަންޑު މެދުވެރިކޮށެވެ.
ފޯރަމް ފޯ އިންޑިއާ-ޕެސިފިކް އައިލެންޑްސް ކޯޕަރޭޝަން (އެފްއައިޕީއައިސީ) ގެ ދަށުން ހިންގާ ޕްރޮގްރާމްތަކުގެ ތެރޭގައި ސޯލާ ޕްރޮޖެކްޓްތަކާއި، ޑީސެލިނޭޝަން ޔުނިޓްތަކާއި، ސީ އެމްބިއުލާންސްތަކާއި، ކެޕޭސިޓީ ބިލްޑިންގ ފަދަ ދާއިރާތައް ހިމެނެއެވެ. އިންޑިއާ އިން ވަނީ ގްލޯބަލް ސައުތަށް ވަކާލާތު ކުރާ ޤައުމެއްގެ ގޮތުގައި ޖީ20 ގެ ރިޔާސަތުގައި ސާބިތުކޮށްދީފައެވެ.
