މުޙައްމަދު ޔޫނުސް ހިންގަވާ ބަންގްލަދޭޝްގެ ވަގުތީ ސަރުކާރުން ދަނީ ބޯޑަރު ބެލެހެއްޓުމާއި ބޯޑަރު ބެލެހެއްޓުމުގައި ގޮންޖެހުންތަކާ ކުރިމަތިލަމުންނެވެ. މިޔަންމާގައި ހަނގުރާމަ ކުރާ އަރަކާން ހަނގުރާމަވެރިން (އޭއޭ) އިން ވަނީ މިޔަންމާގެ ރާކައިން ސްޓޭޓްގެ ސްޓްރެޓެޖިކް ޓައުންއެއް ކަމަށްވާ މައުންގްޑޯގެ ކޮންޓްރޯލް ހޯދާފައެވެ. އެއަށްފަހު ބަނގްލަދޭޝްއާއި މިޔަންމާގެ ބޯޑަރުގައި ހަމަނުޖެހުންތައް ހިނގާން ފަށައިފައި ވެއެވެ. ބަނގްލަދޭޝްގައި ދިރިއުޅޭ ރޮހިންޔާ ރެފިއުޖީންގެ ކޭމްޕްތަކުގައި ހަނގުރާމަވެރި ޖަމާއަތްތަކެއް ހަރަކާތްތެރިވާ ކަމަށް ބުނާ ވާހަކައާ ގުޅިގެން ބަނގްލަދޭޝަށް އިތުރު ނުތަނަވަސްކަމާ ކުރިމަތިލާން ޖެހިފައި ވެއެވެ.
ބަންގްލަދޭޝްގެ އުޅަނދުތަކަށް ހަމަލަ ދިނުމާއި ބޯޑަރު ހުރަސްކޮށް ހަމަނުޖެހުން ހިންގުމުގެ ހާދިސާތައް އިތުރު ވުމުގެ ސަބަބުން ކޮކްސް ބާޒާރާއި ޓެކްނާފްގައި ބިރުވެރިކަން ފެތުރިފައިވާ ކަމަށް ރިޕޯޓުތައް ބުނެއެވެ. މި ހަމަނުޖެހުންތަކާއެކު، ނާފް ކޯރު ހުރަސްކޮށް ދަތުރުފަތުރު ކުރުމަށް ހުރަސް އެޅިފައި ވެއެވެ. އަދި ބޭ އޮފް ބެންގޯލްގައި އޮންނަ ސެއިންޓް މާޓިން އައިލެންޑަށް ދަތުރު ބޭއްވުންވެސް ވަނީ މެދު ކަނޑާލާފައެވެ. މި ހަމނުޖެހުން ތަކުގެ ސަބަބުން ކޮކްސްބާޒާރާއި އައްސޭރިފަށުގައި އުޅޭ މީހުންގެ ދިރިއުޅުމާއި ވިޔަފާރިއަށް ވަނީ ބުރޫ އަރާފައެވެ. ހިސާބުގެ މީހުން ރިޕޯޓްކުރާ ގޮތުގައި ބޯޑަރު ސަރަހައްދުގައި މިހާރު ބޮން ގޮއްވުން ވަނީ އާންމު ކަމަކަށް ވެފައެވެ.
މީގެ އިތުރުން ވަގުތީ ވެރިޔާ ޔޫނުސްއަށް ކުރިމަތިވި އަނެއް މައްސަލައަކީ، ބަނގްލަދޭޝްގެ ބާނީ ޝެއިޚް މުޖީބުރު ރަހުމާންގެ ޒިކުރާ އާލާނުކުރުމާއި މުޖީބު ދޫކޮށްލުމާއި ބަނގްލަދޭޝް މިނިވަންވި ދުވަސް ފާހަގަ ކުރުން ކުޑަކޮށްލުމުން އިތުބާރު ގެއްލުމުގެ މައްސަލައެކެވެ.
ޔޫނުސްގެ ވެރިކަމާއެކު، އިންޑިއާއާއި ބަނގްލަދޭޝްގެ ގުޅުންވެސް ވަނީ ގޯސްވެފައެވެ. އަދި ސަރަހައްދީ ގުޅުމުގައި ސަރަހައްދީ އެއްބައިވަންތަކަމާއި ބެލެންސެއް ގެންގުޅުއްވަން އެނގިވަޑައި ނުގަތުމުގެ ސަބަބުން ބަންގްލަދޭޗްގެ އިޤްތިސާދަށް މައްސަލަ ދިމާވެފައި ވެއެވެ.
