އިންޑިއާ އާއި ކުވައިތުން 4 އެއްބަސްވުމެއްގައި ސޮއިކޮށްފިއެވެ. އިންޑިއާގެ ބޮޑުވަޒީރު ނަރެންދުރަ މޯދީ ގަލްފް ގައުމަށް ކުރެއްވި ދަތުރުފުޅުގައި ދިފާއީ ދާއިރާއިންނާއި ކުޅިވަރާއި ސަގާފީ އެއްބާރުލުމުގެ ދާއިރާއިން ހަތަރު އެއްބަސްވުމެއްގައި ސޮއިކޮށްފައިވާ ކަމަށް އެކްސްޓާނަލް އެފެއާޒު މިނިސްޓްރީން ބުނެފި އެވެ. އެމިނިސްޓްރީން ބޭއްވި ހާއްސަ ބްރީފިންއެއްގައި ވިދާޅުވީ އެމްއޯޔޫތަކުގެ ސަބަބުން ބައިލެޓަރަލް ގުޅުން ބަދަހި ކުރުމުގެ އިތުރުން އެއްބާރުލުމުގެ އާ ދާއިރާތަކަށް މަގުތައް ހުޅުވިގެންދާނެ ކަމަށް ބެލެވޭ ކަމަށެވެ.
“މިއަދު ވަފުދު ފެންވަރުގެ މަޝްވަރާތަކަށް ފަހު، މި ދަތުރުގައި ބައިލެޓަރަލް ހަތަރު ލިޔުމެއްގައި ސޮއިކުރެވުނު. ފުރަތަމަ ލިޔުމަކީ ދިފާއީ އެއްބާރުލުމާ ބެހޭ އެއްބަސްވުމެއް، ދެވަނައަކީ 2025ން 2029 ވަނަ އަހަރަށް ކަލްޗަރަލް އެކްސްޗޭންޖް ޕްރޮގްރާމެއް، ތިން ވަނައަކީ ކުޅިވަރުގެ ދާއިރާގައި އެގްޒެކެޓިވް ގްރޮގްރާމެއް. އަދި ކުވެއިތުން ވަނީ ސޯލާ އެލައެންސާ ގުޅިފައި” އެކްސްޓާނަލް އެފެއާޒް މިނިސްޓްރީން ބުންޏެވެ.
