މިއަހަރު އިންޑިއާއިން 118 ގައުމެއްގައި ސުލްޙަ ބެލެހެއްޓުމަށް ސިފައިން ބައިތިއްބާފައިވާ ކަމަށް އިންޑިއާގެ ޑިފެންސް މިނިސްޓްރީން 2024 ވަނަ އަހަރުގެ އަހަރު ނިމޭ ރިވިއުގައި ޝާއިއުކޮށްފިއެވެ.
އެ މިނިސްތްރީން ބުނެފައި ވަނީ އިންޑިއާއިން ވަނީ އދގެ 10 މިޝަނެއްގައި 5 އިންފެންޓަރީ ބެޓަލިއަންއާއި 11 ޔުނިފޯމް އެޅި ޔުނިޓްތައް ބައިވެރިކޮށްފައެވެ.
އިންޑިއާއިން ސިފައިން ފޮނުވާފައިވާ ގައުމުތަކަކީ، ކޮންގޯ، ދެކުނު ސޫދާން، ވެސްޓާން ސަހާރާ، ސެންޓްރަލް އެފްރިކާ، ލުބުނާން، ސޫރިޔާ، އިޒްރޭލް ސައިޕްރަސް އަދި އިތިއޯޕިއާއެވެ.
މީގެ އިތުރުން ސްޓާފް އޮފިސަރުންނާއި އަސްކަރީ އޮބްޒާވަރުންނާއެކު އިންޑިއާ ސިފައިން ވަނީ ކޮންފްލިކްޓް ޒޯންތަކުގައި އަންހެނުންނާއި ކުޑަކުދިންނަށް އެހީތެރިވުމަށް އަންހެން ސިފައިންގެ އެންގޭޖްމަންޓް ޓީމުތަކާއި އަންހެން ސައިކޮލޮޖިކަލް ކައުންސެލަރުންނާއި މިލިޓަރީ ނާސިން ސާވިސް އޮފިސަރުން ވެސް ބައިތިއްބާފައެވެ.
