ބައްޕަ ތަކުރާރުކޮށް ކުދިން ރޭޕު ކުރަމުން ގެންދާތީ ބަދަލު ހިފުމުގެ ގޮތުން ބައްޕަގެ ގައިގައި އަލިފާން ރޯކޮށް މަރާލި މައްސަލައެއް ޕާކިސްތާންގައި ބަލަން ފަށައިފިއެވެ. ޕާކިސްތާނުގައި ފުރާވަރުގެ ދެ އަންހެން ކޮއްކޮއިން ވަނީ މިމައްސަލާގައި ހައްޔަރުކޮށްފައެވެ.
ޖެނުއަރީ މަހުގެ އެއްވަނަ ދުވަހު ޕަންޖާބު ސިޓީއެއް ކަމަށްވާ ގުޖްރަންވާލާގައި ހިނގި މިހާދިސާގައި ބައްޕަގެ ގައިގައި ރޯކޮށްލުމުން އޭނާ ހަސްފަތާލަށް ގެންދިޔަ އިރުވެސް އޮތީ މަރުވެފައވެ.
“އަންހެން ކުދިން ބުނީ އެމީހުން އެއްބަސްވެ އެކަންކުރަން ނިންމީ ‘ދާއިމީ ހައްލެއް’ ހޯދުމަށް،” ކަމަށެވެ.
އެކުދިން ބައްޕަ މަރާލާފައި ވަނީ، ސައިކަލަކުން ޕެޓްރޯލް ނަގައިގެން ބައްޕަ ނިދާފައި އޮއްވާ ގަޔަށް އަޅައިގެން އަލިފާން ރޯކޮށްލައިގެންނެވެ.
އެއްބަނޑު އެއްބަފާ ދެބޭންގެ ތެރޭން ހަގު ކުއްޖާ ބުނެފައި ވަނީ ބައްޕަ ދޮށީ ކުއްޖާ ރޭޕް ކުރަމުންދާތާ އަހަރެއް ވެފައިވާ ކަމަށެވެ. އަދި ހަގު އަންހެން ކުއްޖާ ރޭޕް ކުރަން ދެ ފަހަރެއްގެ މަތިން މަސައްކަތް ކޮށްފައިވާ ކަމަށެވެ.
މިދެކުދިންނަކީ ދެ މީހުންނަށް ލިބިފައިވާ ދެކުދިންނެވެ. އެ ދެ އަންހެނުންނަށް އެކަން އެނގިގެންވެސް އެކަމާ މެދު ފިޔަވަޅެއް އަޅާފައިނުވާތީ ފުލުހުން ދަނީ އެމީހުންނާ ސުއާލު ކުރަމުންނެވެ.
