އެކްސަސައިޒް އެކަތަ 2025 ގެ ނިންމުމުގެ ރަސްމިއްޔާތުގައި ބައިވެރިވެވަޑައިގަތުމަށް، އިންޑިއާ ނޭވީގެ ނޭވަލް ސްޓާފްގެ ވައިސް އެޑްމިރަލް ތަރޫން ސޮބްތީ، ޑިސެމްބަރު 15 އިން 17 އަށް، ރަސްމީ ދަތުރުފުޅެއްގައި ރާއްޖެއަށް ވަޑައިގެންފިއެވެ. މި ދަތުރުފުޅަކީ ދެ ގައުމުގެ ދިފާއީ ގުޅުން ބަދަހިކުރުމަށް ކުރުމުގެ މަގްސަދުގައި ކުރައްވާ މުހިންމު ދަތުރުފުޅެކެވެ.
އެކްސަސައިޒް އެކަތައަކީ 2017 ވަނަ އަހަރު ފެށި، އިންޑިއާ ނޭވީއާއި އެމްއެންޑީއެފް އާ ދެމެދު ކޮންމެ އަހަރަކު ބާއްވާ ކަނޑުގެ އަސްކަރީ ތަމްރީނެކެވެ. ދެ ގައުމުގެ ސިފައިންގެ ގުޅުން ބަދަހިކޮށް، ގުޅިގެން މަސައްކަތްކުރުމުގެ ގާބިލުކަން އިތުރުކުރުމަށް މި ތަމްރީން ބާއްވަމުން ގެންދެއެވެ.
މިއަހަރު ބާއްވާފައި ވަނީ މި ތަމްރީންގެ 8 ވަނަ އެޑިޝަން އެވެ. އޭގައި، ދެ ގައުމުގެ ސިފައިންގެ ފަންނީ ގުޅުންތައް ފުޅާ ދާއިރާއެއްގައި ކުރިއަށް ގެންގޮސްފައިވެއެވެ. މި ހަރަކާތްތަކުގެ ތެރޭގައި ޓެކްނިކަލް އަދި ކޮމްބެޓް ޑައިވިން، ބޯޑިން އޮޕަރޭޝަންތައް، ފަޔަރިންގ ޑްރިލްތައް، ޑިމޮލިޝަން އަދި ގޮވާ ތަކެތި ބޭނުންކުރުން، އެސިމެޓްރިކް ހަނގުރާމައިގެ އުކުޅުތައް، އަދި ޚާއްސަ ހެލި ބޯން އޮޕަރޭޝަން ޑްރިލްތައް ކުރިއަށް ގެންގޮސްފައި ވެއެވެ. މި ހަރަކާތްތަކުގެ މަގުސަދަކީ ދެ ގައުމުގެ އަސްކަރީ އޮޕަރޭޝަންތަކުގައި އެއްބާރުލުން އިތުރުކޮށް، ކަނޑުގެ ސަލާމަތާއި ރައްކާތެރިކަން ކަށަވަރުކުރުމެވެ.
