ދަންނަބޭކަލުންގެ އަތުކުރީ ގަޑީގެ ފެޝަން

އިސްލާމީ ދުނިޔެއާއި މި ސަރަހައްދުގެ މަޝްހޫރު ދީނީ އަދި އާންމު ޝަހުސިއްޔަތުތަކަކީ އަތުކުރީ ގަޑި އިޚްތިޔާރުކުރުމުގައި ތަފާތު ރަހަތަކެއް ގެންގުޅުއްވާ ބޭފުޅުންނެވެ. އެ ބޭފުޅުން ބޭނުންކުރައްވާ ގަޑިތަކުގެ ތެރޭގައި، އަމަލީ ބޭނުންތަކަށް ޚާއްޞަ އާދައިގެ ގަޑިތަކުން ފެށިގެން، މިލިއަނުން އަގުކުރެވޭ މަދު ބާވަތްތަކުގެ އަގުބޮޑު މޮޑެލްތައް ހިމެނެއެވެ. އެންމެ މަޝްހޫރު ބައެއް ބޭފުޅުންނާއި، އެ ބޭފުޅުން އާންމުކޮށް އަޅުއްވާ ގަޑިތައް:

1. ޝައިޚް މިޝާރީ ރާޝިދު އަލް ޢަފާސީ

އީރާނަށާއި ޝީއީ މުސްލިމުންނަށް ފުރައްސާރަ ކޮށް ރެޕް ލަވައެއް މިސްމީޑިއާގައި ޝާއިއުކޮށްގެން މުސްލިމުން އޭނާގެ ކިޔެވުން ބޮއިކޮޓްކުރި ކުވެއިތުގެ ޝައިޚް މިޝާރީ ރާޝިދު އަލްޢަފާސީއަކީ ސުވިޒަލޭންޑުގެ މަތީ ފެންވަރުގެ ގަޑިތަކުގެ ފަރުމާކުރުމާއި ފެންވަރު ރަނގަޅު މަސައްކަތްތެރިކަމަށް ލޯބިކުރައްވާ ބޭފުޅެއްގެ ގޮތުގައި ފާހަގަކުރެވޭ ދަންނަބޭކަލެކެވެ. އޭނާގެ ކަލެކްޝަން:

• ޕަޓެކް ފިލިޕް ނޯޓިލަސް: މިއީ މި އިލްމުވެރިޔާ އެންމެ ގަޔާވާ އެއް ގަޑިއެވެ. ސްޓެއިންލެސް ސްޓީލްއިން އުފައްދާފައިވާ މި މޮޑެލްއަކީ އޭގެ ތަފާތު ޑަޔަލްއާއި، ޕަވަރ ރިޒާވް އިންޑިކޭޓަރާއި، ތާރީޚާއި އަދި ހަނދުގެ ފޭސްތައް ދައްކައިދޭ ވަރަށް ކްލެސިކް ގަޑިއެކެވެ.

  • އަންދާޒާ ކުރެވޭ އަގު: 150,000 އެމެރިކާ ޑޮލަރު ނުވަތަ ގާތްގަނޑަކަށް 3,000,000 ދިވެހި ރުފިޔާ.

• ރޮލެކްސް ޔޮޓް މާސްޓަރ 2: މީގެ އިތުރުން، ކުޅިވަރުގެ ރޫޙު އެކުލެވޭ ޑިޒައިންތަކަށް ލޯބިކުރާ ފަރާތްތަކުގެ މެދުގައި މަގުބޫލު މި މޮޑެލްވެސް މި ޝެއިޚު އަޅުއްވައިގެން ހުންނަވަނިކޮށް ފެނިފައިވެއެވެ.

2. ތުރުކީ އާލުއްޝައިޚް

ވައްހާބީ މަޒުހަބު ކަމަށް ލޭބަލްކޮށްފައިވާ މަޒުހަބުގެ ބާނީގެ ދަރިފަސްކޮޅަށް ނިސްބަތްވެ ވަޑައިގަންނަވާ ސައުދީ އަރަބިއްޔާގެ ޖެނެރަލް އެންޓަޓެއިންމަންޓް އޮތޯރިޓީގެ ޗެއާމަން ތުރުކީ އާލުއްޝައިޚަކީ މި އެންމެ އަގުބޮޑު އަމިއްލަ ގަޑި ކަލެކްޝަންގެ ވެރިޔާ ކަމަށް ބެލެވޭ އެއް ފަރާތެވެ. އޭނާގެ މުޅި ކަލެކްޝަންގެ އަގު 5,000,000 އެމެރިކާ ޑޮލަރަށްވުރެ ނުވަތަ 100,000,000 ދިވެހި ރުފިޔާއަށްވުރެ މަތިވާނެ ކަމަށް އަންދާޒާ ކުރެވެއެވެ. އޭނާ ޚާއްޞަ ސަމާލުކަމެއް ދެއްވަނީ އާދަޔާޚިލާފު އަދި ލިމިޓެޑް އެޑިޝަން ޑިޒައިންތަކަށެވެ.

ފާހަގަކޮށްލެވޭ ބައެއް ގަޑިތައް:

• ރިޗަޑް މިލް 50-02 އޭސީޖޭ: އަގު ގާތްގަނޑަކަށް 1,800,000 އެމެރިކާ ޑޮލަރު ނުވަތަ 36,000,000 ދިވެހި ރުފިޔާ.

• ރިޗަޑް މިލް 57-02 ފެލްކަން: އަގު ގާތްގަނޑަކަށް 1,400,000 އެމެރިކާ ޑޮލަރު ނުވަތަ 28,000,000 ދިވެހި ރުފިޔާ.

• ރިޗަޑް މިލް 38-01 ބީޑަބްލިޔު ގްރީން: އަގު ގާތްގަނޑަކަށް 900,000 އެމެރިކާ ޑޮލަރު ނުވަތަ 18,000,000 ދިވެހި ރުފިޔާ.

• އުރްވެރްކް ޔޫއާރް 230 އީގަލް: އަގު ގާތްގަނޑަކަށް 201,000 އާއި 210,000 އެމެރިކާ ޑޮލަރާ ދެމެދު ނުވަތަ 4,020,000 އާއި 4,200,000 ދިވެހި ރުފިޔާާ ދެމެދު.

3. ޝައިޚް ޢަބްދުއްރަޙްމާން އައްސުދައިސް

މަސްޖިދުލް ޙަރާމްގެ އިމާމް ޝައިޚް ޢަބްދުއްރަޙްމާން އަލް ސުދައިސް ގެންގުޅުއްވަނީ ސަގާފީ ސިފައެއް އެކުލެވޭ، ނަމަވެސް ހައިބަތު ދައްކައިދޭ އިތުރުބާރު ހުރި ފެންވަރު ރަނގަޅު ގަޑިތަކެވެ.

• ރޮލެކްސް ޑޭ ޑޭޓް ޕްރެޒިޑެންޓް: ޝެއިޚު އެންމެ ގިނައިން ފެންނަނީ ރަން ކުލައިގެ މި ގަޑިއާއެކުގައެވެ. މިއީ ގިނަފަހަރަށް ހަފުތާގެ ދުވަސްތަކާއި ހިސާބު އަކުރުތައް އަރަބި ބަހުން ހުންނަހެން ޚާއްޞަކޮށް ތައްޔާރުކޮށްފައިވާ މޮޑެލްއެކެވެ.

  • އަންދާޒާ ކުރެވޭ އަގު: 30,000 އާއި 80,000 އެމެރިކާ ޑޮލަރާ ދެމެދު ނުވަތަ 600,000 އާއި 1,600,000 ދިވެހި ރުފިޔާާ ދެމެދު.

• އަލްފަޖްރު ނުވަތަ ކާޑިއަލް: ދީނީ ކަންކަމުގައްޔާއި ނަމާދު ވަގުތުތަކުގައި ޝެއިޚު އިސްލާމީ ޑިޖިޓަލް ގަޑިތައް ބޭނުންކުރައްވައެވެ. މިއީ އޮޓޮމެޓިކުން ބަންގި ގަޑިތަކާއި އިމާމުންނަށް ބޭނުންވާ އެހެނިހެން ފީޗާތައް ހިމެނޭ ގަޑިތަކެކެވެ.

4. މުފްތީ އިސްމާއިލް މެންކް

އިންޑިއާ ދަރިކޮޅުގެ ޒިމްބާބްވޭގެ މުފްތީ އިސްމާއިލް މެންކް ގެންގުޅުއްވަނީ އާދައިގެ ދިރިއުޅުމަކާއި އަމަލީ ބޭނުންތެރިކަން އެކުލެވޭ ގަޑިތަކެކެވެ. މުސްލިމުންގެ ބޭނުންތަކަށް ފަރުމާކޮށްފައިވާ ބައެއް ގަޑިތައް އިޝްތިހާރު ކޮށްދެއްވުމުގައިވެސް މެންކު އުޅުއްވައެވެ!

• ސްމާޓް ގަޑިތައް: ޚާއްޞަކޮށް ބައިނަލްއަޤްވާމީ ދަތުރުފަތުރުތަކުގައި، ފްލައިޓް ތާވަލުތައް ބެލުމަށާއި އެކި ސިޓީތަކުގެ ނަމާދު ވަގުތުތައް ބެލުމަށް މުފްތީ އާންމުކޮށް ބޭނުންކުރައްވަނީ އެޕަލް ވޮޗް ފަދަ ސްމާޓް ގަޑިތަކެވެ.

• ރޮލެކްސް  މެރީނާ އަދި ޑޭޓްޖަސްޓް: މީގެ އިތުރުން، މާ ބޮޑަށް ކުލަގަދަ ނޫން ސްޓެއިންލެސް ސްޓީލްގެ މި މޮޑެލްތައް މުފްތީ އަޅުއްވައިގެން ހުންނަވަނިކޮށް ފެނިފައިވެއެވެ.

  • އަންދާޒާ ކުރެވޭ އަގު: 9,000 އާއި 15,000 އެމެރިކާ ޑޮލަރުގެ ދެމެދު ނުވަތަ 180,000 އާއި 300,000 ދިވެހި ރުފިޔާާ ދެމެދު.

• އަލްފަޖްރު: މުފްތީ މެންކް ގަވާއިދުން އަލްފަޖްރު ގަޑި ބޭނުންކުރައްވައި، ނަމާދު ވަގުތުތައް ބެލުމަށް އޭގެ ހުރި ބޭނުންތެރިކަން އާންމުންނަށް ހާމަކޮށްދެއްވައެވެ.