ބަންގްލަދޭޝްގައި އަޟްޙާ އީދަށް ކަތިލުމަށް ތައްޔާރުކުރި، އެމެރިކާގެ މީގޮނު ޑޮނަލްޑް ޓްރަމްޕް ސަރުކާރުގެ އެންމެ ފަހު ވަގުތުގެ ނިންމުމަކާއެކު ސަލާމަތްވެއްޖެއެވެ. މި މީގޮނަކީ އޭގެ ބޯމަތީގައި ހުންނަ ރަންކުލައިގެ އިސްތަށިގަނޑުގެ ސަބަބުން ޓްރަމްޕާ ވައްތަރު ގޮތެއް ހުރެގެން އެއާއިލާއަށް ނިސްބަތްކޮށްފައިޥާ ސޮރެކެވެ.
ބަރުދަނުގައި ގާތްގަނޑަކަށް 700 ކިލޯ ހުރި މި މީގޮނު ވަނީ އީދު ގުރުބާނީއަށް ކަތިލުމަށް މީގެ ކުރިން ވިއްކާލާފައެވެ. ނަމަވެސް، މި ޖަނަވާރާ ބެހޭ ޚަބަރު ސޯޝަލް މީޑިއާގައި ފެތުރި، އާންމުންގެ ބޮޑު ސަމާލުކަމެއް ލިބުމާ ގުޅިގެން ސަލާމަތީ ސަބަބުތަކަށްޓަކައި ސަރުކާރުން ވަނީ މިކަމުގެ ތެރެއަށް ވަދެފައެވެ.
ބަންގްލަދޭޝްގެ ދާޚިލީ ވަޒީރު ޞަލާޙުއްދީން އަޙްމަދު ވަނީ އެ މީގޮނު ކަތިލުން ހުއްޓުވައި، އެ ގަތް މީހާއަށް ފައިސާ އަނބުރާ ދެއްކުމަށް އަމުރުކުރައްވާފައެވެ. އަދި އެ ސަލާމަތްކުރި ޖަނަވާރު މިހާރު ވަނީ ޑާކާގައި ހުންނަ ގައުމީ ޖަނަވާރު ބަގީޗާއަށް ބަދަލުކުރުމަށް ނިންމާފައެވެ.
މިކަމާ ގުޅޭގޮތުން ދާޚިލީ ވުޒާރާގެ އޮފިޝަލަކު ވިދާޅުވީ، "އެންމެ ފަހު ވަގުތު މި މީގޮނު ކަތިލުން ހުއްޓުވަން ނިންމީ ސަލާމަތީ ގޮތުން ހުރި ކަންބޮޑުވުންތަކަކާއި އާންމުންގެ މެދުގައި މިކަމަށް އޮތް އާދަޔާ ހިލާފު ޝައުގުވެރިކަމެއްގެ ސަބަބުން" ކަމަށެވެ.
މި ޖަނަވާރަކީ އަސްލު ޓްރަމްޕާ ޚިލާފަށް ދުވާލަކު އެތައް ފަހަރަކު ފެންވަރުވައި، ހާއްސަ ކާނާ ދީގެން ވަރަށް ބޮޑަށް ބަލަހައްޓަމުން އައި ޖަނަވާރެކެވެ.
ބަންގްލަދޭޝްގައި އާންމުކޮށް މީގޮނު ހުންނަނީ ކަޅު ކުލައިގައެވެ. މިފަދަ ހުދު ނުވަތަ އަލްބީނޯ މީގޮނެއް އެ ގައުމުގައި ވަރަށް މަދުން ނޫނީ ނުފެނެއެވެ. ތަފާތު ސިފައާއި ދެވިފައިވާ މަޖާ ނަމުގެ ސަބަބުން، އެތައް ބަޔަކު ދުރު ހިސާބުތަކުންވެސް މި ޖަނަވާރު ބަލާލުމަށް ޖަމާވެފައިވެއެވެ.
