އެމެރިކާގެ ނައިބު ރައީސް ޖޭ.ޑީ. ވެންސް ހާމަކުރެއްވި ގޮތުގައި، އީރާނުގެ ތަރައްޤީއާއި އުމްރާނީ މަސައްކަތްތަކަށް ޚާއްޞަކޮށްގެން، ފާރިސީ ކަނޑުއޮޅީގެ އަރަބި ޤައުމުތަކުން 300 ބިލިއަން ޑޮލަރުގެ ފަންޑެއް ހުޅުވުމުގެ ފުރުސަތު އެބައޮތެވެ.
މި ފަންޑާ ގުޅޭގޮތުން ވެންސް ފާހަގަކުރެއްވި މުހިންމު ނުކުތާތަކުގައި ވިދާޅުވީ:
-
300 ބިލިއަން ޑޮލަރުގެ މި ބޮޑު ފަންޑު އީރާނަށް ލިބޭނީ އެ ޤައުމުން ވެފައިވާ ވަޢުދުތަކާއި ޒިންމާތަކަށް ފުރިހަމައަށް އިޙްތިރާމްކޮށް، އެކަންކަން ދަމަހައްޓާނަމައެވެ.
-
އެމެރިކާއިން ފާހަގަކުރި ގޮތުގައި، މި އެއްބަސްވުމުގެ ދަށުން އީރާނުގެ 24 ބިލިއަން ޑޮލަރުގެ ފޭރިގެންފައިވާ ފައިސާ މިވަގުތު ދޫކުރުމަށް އެއްބަސްވެފައެއް ނުވެއެވެ. މިއީ މިހާރު ހިނގަމުންދާ މަޝްވަރާތަކާއި ފަހުމުނާމާގެ ސްކޯޕްގެ ތެރޭގައި ހިމެނޭ ކަމެއް ނޫނެވެ.
މިއީ އީރާނުގެ އިޤްތިޞާދީ ހާލަތު ރަނގަޅުކުރުމަށްޓަކައި ޚަލީޖީ ޤައުމުތަކުން ފެށުމަށް ނިންމާފައިވާ ބޮޑު އިންވެސްޓްމަންޓް ޕްލޭނެއްގެ ބައެއް ކަމަށް ބެލެވެއެވެ.
މި ފިޔަވަޅަކީ ސަރަހައްދީ ގުޅުންތައް ބަދަހިކޮށް، އީރާނާއި އެމެރިކައަށް ވާގިވެރިވާ އަރަބި ޤައުމުތަކާ ދެމެދު އޮތް އިތުބާރު އާލާކުރުމަށް އެޅޭ ވަރަށް މުހިންމު ފިޔަވަޅެއް ކަމަށް ވެންސް އިޝާރާތްކުރެއްވިއެވެ. ނަމަވެސް، މި 300 ބިލިއަން ޑޮލަރުގެ ފަންޑު އީރާނަށް ލިބުމުގެ ކުރިން، އެ ޤައުމުން ކަނޑައަޅާފައިވާ ޝަރުތުތައް ފުރިހަމަކުރަން ޖެހޭނެއެވެ.
