އީރާނުގެ "ޝަހީދު ސުލައިމާނީ ސެޓެލައިޓް ކޮންސްޓެލޭޝަން" އަކީ އެ ޤައުމުގެ ޖައްވީ ޕްރޮގްރާމްގެ ތާރީޚުގައި އެޅުނު އެންމެ މުހިންމު އެއް ފިޔަވަޅެވެ. މިއީ އީރާނުން އަމިއްލައަށް އުފައްދާ، ގާތްގަނޑަކަށް 24 ސެޓެލައިޓްގެ މައްޗަށް އެކުލެވޭ ވިއުގައެކެވެ.
މިއީ އިންޓަނެޓް އޮފް ތިންގްސް ޚިދުމަތްތަކަށް ޚާއްސަ ނެޓްވޯކެކެވެ. މީގެ ބޭނުމަކީ ބިންމަތީގައި ހުންނަ ސެންސަރުތަކާއި އާލާތްތަކުން ކުދިކުދި ޑޭޓާ ޕެކެޓުތައް ފޮނުވުމާއި މައުލޫމާތު ބަދަލުކުރުމެވެ.
ތެލާއި ގޭސް ހޮޅިތަކުގެ ޕްރެޝަރު މޮނިޓާ ކުރުމާއި، ދަނޑުވެރިކަމުގެ ބޭނުންތަކާއި، މޫސުމީ މައުލޫމާތު އެއްކުރުމާއި، އުނދަގޫ ސަރަހައްދުތަކުގައި ހުންނަ އިންފްރާސްޓްރަކްޗާތައް ބެލެހެއްޓުން ހިމެނެއެވެ.
އީރާނުގެ ޖައްވީ އިދާރާ އިސާ އިން ބުނާ ގޮތުގައި، މި މަޝްރޫޢުގެ މަސައްކަތްތައް ރޭވިފައިވާ ގޮތަށް ކުރިއަށް އެބަދެއެވެ. ފުރަތަމަ ސެޓެލައިޓްތައް ލޯންޗުކުރުމަށް ހަމަޖެހިފައިވަނީ އީރާނުގެ މިހާރު ހިނގަމުންދާ އަހަރު ނިމުމުގެ ކުރިން، ނުވަތަ 2027 ވަނަ އަހަރުގެ ކުރީކޮޅުގައެވެ.
އީރާނުން 2026 ވަނަ އަހަރުގެ ފެބްރުއަރީ މަހު ވަނީ "ހަތަފް-3″ ނަމަކަށް ކިޔާ ޓެސްޓް ސެޓެލައިޓެއް ލޯންޗުކުރުމަށް ތައްޔާރުވެފައެވެ. މިއީ 24 ސެޓެލައިޓްގެ ކޮންސްޓެލޭޝަންގައި ބޭނުންކުރާނެ ހާޑްވެއާ އާއި ސޮފްޓްވެއާގެ ޕާފޯމަންސް ޓެސްޓްކުރުމަށް އުފެއްދި ފްލައިޓް މޮޑެލްއެކެވެ. މި މަޝްރޫޢު ކުރިއަށް ގެންދަނީ ސަރުކާރުގެ އިދާރާތަކާއި އަމިއްލަ ކުންފުނިތައް ގުޅިގެން އުފައްދާފައިވާ ކޮންސޯޓިއަމްއަކުންނެވެ.
- އީ އީރާނުން އަމިއްލައަށް ފަރުމާކޮށް، އަމިއްލަ ލޯންޗް ވެހިކަލްތައް ބޭނުންކޮށްގެން ޖައްވަށް ފޮނުވާ ސެޓްލައިޓްތަކަށް ވާތީ، މިއީ އެ ޤައުމުގެ ޖައްވީ މިނިވަންކަމުގެ ރަމްޒެކެވެ.
- ދާދި ފަހުން އީރާނަށް ކުރިމަތިވި އަސްކަރީ ހަމަލާތަކާއި، ބައެއް ޖައްވީ މަރުކަޒުތަކަށް ލިބުނު ގެއްލުންތަކަށްފަހު ވެސް، މި މަޝްރޫޢުގެ މަސައްކަތްތައް ހުއްޓުމެއްނެތި ކުރިއަށްދާކަން އީރާނުގެ އޮފިޝަލުން ފާހަގަކުރެއެވެ.
- މިއީ އެ ޤައުމުގެ ޖައްވީ އިންފްރާސްޓްރަކްޗާގެ ގޮންޖެހުންތަކާ ކުރިމަތިލުމުގެ ޤާބިލުކަން ދައްކުވައިދޭ ކަމެކެވެ.
މި ޕްރޮޖެކްޓަކީ ޚާއްސަކޮށް ސަރަހައްދީ އަދި ސިޔާސީ ގޮތުން ނުފޫޒުގަދަ ކުރުމަށް އީރާނުން ކުރަމުންދާ މަސައްކަތްތަކުގެ ތެރޭގައި ހިމެނޭ، ޓެކްނޮލޮޖީގެ ގޮތުން ވަރަށް ބޮޑު ކުރިއެރުމެކެވެ.
