އެމެރިކާގެ ރައީސް ޑޮނަލްޑް ޓްރަމްޕާ ދެމެދު އުފެދުނު ޚިޔާލުތަފާތުވުންތަކަކަށްފަހު، އިޓަލީގެ ބޮޑުވަޒީރު ޖިއޯޖިއާ މެލޯނީ، ފަރަންސޭސި ރައީސް އެމަނުއެލް މަކްރޮންއާ ބައްދަލުކުރައްވައި ގުޅުން ބަދަހި ކުރެއްވުމަށް ނިންމަވައިފިއެވެ. ފަރަންސޭސިވިލާތުގެ އެންޓިބްސްގައި ބާއްވާ ދެލީޑަރުންގެ މި ބައްދަލުވުމަކީ މަކްރޮންއާއެކު މެލޯނީ ބާއްވާ ފުރަތަމަ ސަމިޓެވެ. 2021 ވަނަ އަހަރު ދެ ޤައުމުގެ ދެމެދުގައި އެކުލަވާލި ސްޓްރެޓީޖިކް އެލައިންސް އެއްބަސްވުމަށްފަހު ބާއްވާ މި ސަމިޓަކީ، ފަރަންސޭސިވިލާތާއި ޖަރުމަނާ ދެމެދު އޮންނަ ފަދަ ގާތް ގުޅުމަކަށް ދެ ޤައުމުގެ ގުޅުން މަތިކުރުމުގެ މަޤްޞަދުގައި ބާއްވާ ސަމިޓެކެވެ.
"މި ސަމިޓުގެ ސަބަބުން ދިފާއީ ދާއިރާއާއި، ނިއުކްލިއަރ ހަކަތައާއި، އަދި ޖައްވީ ދާއިރާ ފަދަ މުހިންމު ދާއިރާތަކުން އިޓަލީއާއި ފަރަންސޭސިވިލާތުގެ ގުޅުން އިތުރަށް ބަދަހިވެގެންދާނެ،" ފަރަންސޭސި ރިޔާސީ ގަނޑުވަރުން ބުނެފައިވެއެވެ. އަދި "އަޅުގަނޑުމެން އެކަކު އަނެކަކަށް ބޭނުންވޭ،" ކަމަށް ވެސް އެ ބަޔާނުގައި ފާހަގަކޮށްފައިވެއެވެ.
މަކްރޮންއަކީ ޔޫރަޕްގެ ސިޔާސަތުތަކަށް ތާއީދުކުރައްވާ ބޭފުޅަކަށްވާއިރު، މެލޯނީއަކީ ކަނާތު ފިޔައިގެ ޕާޓީތަކުގެ ކޯލިޝަނެއް ހިންގަވާ ބޭފުޅެކެވެ. އެހެންކަމުން ދެ ބޭފުޅުންގެ ސިޔާސީ ފިކުރު ތަފާތު ނަމަވެސް، ދެ ޤައުމުގެ ގުޅުން ބަދަހިކުރަން ދެ ފަރާތުންވެސް މަސައްކަތްކުރެއެވެ.
މި ބައްދަލުވުމުގެައި:
- ދިފާއީ އެއްބަސްވުން: ޔޫކްރެއިނަށް ފޯރުކޮށްދިން 'ސޭމްޕް/ޓީ' (SAMP/T) އެއަރ ޑިފެންސް ނިޒާމާ ގުޅޭގޮތުން މަޝްވަރާކުރުމަށް ހަމަޖެހިފައިވެއެވެ.
- ނިއުކްލިއަރ އަދި ޖައްވީ ޓެކްނޮލޮޖީ: އީލޮން މަސްކްގެ 'ސްޓާލިންކް' އާ ވާދަކުރުމަށް ޔޫރަޕުން ރާވާފައިވާ ސެޓެލައިޓް ޕްރޮޖެކްޓަކާ ގުޅޭ އެއްބަސްވުމެއް ސޮއިކުރާނެއެވެ.
- ޓްރަމްޕުގެ އަސަރު: މެލޯނީ ކުރިން މަސައްކަތްކުރެއްވ ޓްރަމްޕާއި ޔޫރަޕާ ދެމެދު ފާލަމެއްގެ ގޮތުގައި ހުންނަވާށެވެ. ނަމަވެސް ޓްރަމްޕުގެ "ކެނޑިނޭޅި ދެމުންދާ އަގު ވައްޓާލުމުގެ ހަމަލާތަކުގެ" ސަބަބުން އޭނާ ވަނީ އެމެރިކާގެ ރައީސާ ދުރުވެފައެވެ.
މާހިރުން ދެކޭ ގޮތުގައި، ޓްރަމްޕާ މައްސަލަ ޖެހުމުން، މެލޯނީއަށް މަޖުބޫރުވެފައިވަނީ އަނބުރާ ޔޫރަޕްގެ ގުޅުންތަކަށް ސަމާލުކަން ދޭށެވެ. މަކްރޮން ޔޫރަޕްގެ ފެންވަރުގައި ވަރުގަދަ ނަމަވެސް، އަމިއްލަ ޤައުމުގައި އޭނާގެ މަޤުބޫލުކަން ދަށްކަމަށާއި، މެލޯނީ އަމިއްލަ ޤައުމުގައި ވަރަށް ވަރުގަދަ ނަމަވެސް ޔޫރަޕްގެ ފެންވަރުގައި އަދިވެސް އޮތީ ބަލިކަށިކޮށް ކަމަށް މާހިރުން ފާހަގަކުރެއެވެ.
