އެމެރިކާގެ ސިފައިން އީރާނުގެ ހަތަރު ސަރަހައްދަކަށް އަމާޒުކޮށް އިސްލާމްއާބާދު ފަހުމުނާމާއާ ޚިލާފަށް ދިން ވައިގެ ހަމަލަތައް ދޮޅު ގަޑިއިރަށް ދެމިގެން ދިޔައެވެ. މި ހަމަލަތައް ދީފައި ވަނީ އީރާނުން ހުރުމުޒު ކަނޑު އޮޅީގައި ބޯޓަކަށް ޑްރޯން ހަމަލައެއް ދިން ކަމަށް އެމެރިކާއިން ތުހުމަތުކޮށްގެންނެވެ.
އެމެރިކާގެ ހަމަލާތަކުގެ ތަފްސީލު:
-
އެމެރިކާގެ 6 ފައިޓާ ޖެޓް ގެ އެފް-35 އަދި އެފް-16 ބޭނުންކޮށްގެން ދިން މި ހަމަލާތައް ގާތްގަނޑަކަށް ދޮޅުގަޑިއިރަށް ދިގުދެމިގެން ދިޔައެވެ.
-
ހުރުމުޒު ކަނޑުއޮޅިއާއި ގޭޝަމް ޖަޒީރާގައި ހުރި، އީރާނުގެ މިސައިލްތަކާއި ޑްރޯންތަކާ ގުޅުންހުރި ހަތަރު މަރުކަޒަކަށް ހަމަލާތައް އަމާޒުކުރިއެވެ.
-
އެމެރިކާގެ އޮފިޝަލުން ހާމަކުރި ގޮތުގައި، މި ހަމަލާތައް ދިނީ އީރާނުގެ އުޅަނދެއް ހޯމްޒު ކަނޑުއޮޅީގެ ހުއްދަ ނެތް ސަރަހައްދަކުން ދަތުރުކުރުމާ ގުޅިގެންނެވެ.
އީރާނުގެ ރިވޮލިއުޝަނަރީ ގާޑްއިން ވަނީ މި ހަމަލާތަކަކީ އެއްބަސްވުމާ ޚިލާފު ޢަމަލެއް ކަމަށް ބުނެ، އެމެރިކާގެ ބަދަލުހިފުމުގެ ގޮތުން އެ ސަރަހައްދުގައި ތިބި އެމެރިކާގެ އަސްކަރީ މަރުކަޒުތަކަށް އީރާނުގެ ކަނޑުގެ ސިފައިން ހަމަލާތަކެއް ދީފައިވާ ކަމަށް އިއުލާންކޮށްފައެވެ.
އީރާނުން ބުނާ ގޮތުގައި، "އެމެރިކާއިން އަބަދުވެސް އަމަލުކުރާ އުސޫލުން، އެކި ބަހަނާތައް ދައްކައިގެން އީރާނުގެ އައްސޭރިފަށަށް ހަމަލާދީ އެއްބަސްވުންތަކާ ޚިލާފުވަނީއެވެ."
މި ހަމަލާތަކާ ގުޅިގެން މި ހަފްތާ ފެށޭއިރު ބޭއްވުމަށް ހަމަޖެހިފައިވާ މަޝްވަރާތަަކަށް އެއްވެސް އަސަރެއް ކުރާނެކަން ނުވަތަ ނޫންކަން އަދި ސާފެއް ނުވެއެވެ.
