ޗައިނާގެ ރައީސް ޝީ ޖިންޕިންގްގެ ވެރިކަމުގައި އަސްކަރީ އިސްވެރިންނަށް ފިޔަވަޅު އެޅުމަށްފަހު، މިހާރު ހިމޭން ފިޔަވަޅުތަކެއް ޗައިނާ ކޮމިއުނިސްޓް ޕާޓީގެ އިސް ފަރާތްތަކަށް އަމާޒުކުރަން ފަށައިފިއެވެ.
މިފަހަރުގެ އަމާޒަކީ ކުރިން ޕޮލިޓްބިއުރޯގެ މެންބަރެއްގެ ގޮތުގައި ހުންނެވި ވަންގް ޤިޝާންގެ ނެޓްވޯކެވެ. ވަންގްއަކީ މީގެ ކުރިން ކޮރަޕްޝަނާ ދެކޮޅަށް ހިންގި ހަރަކާތްތަކުގެ މައިގަނޑު ފަރާތް ކަމުގައި ވިޔަސް، އޭނާ މިހާރު ހުންނެވީ ބެއިޖިންގްގައި ހިމޭންކޮށް ހައްޔަރުކުރެވިފައެވެ.
އޭނާގެ ނެޓްވޯކުގައި ހިމެނޭ އެތައް ބަޔަކު މިހާރު އަންނަނީ ތަހުގީގުތަކާ ކުރިމަތިލަމުންނެވެ. މިއީ ޝީ ޖިންޕިންގްގެ ބާރު ގަދަކުރުމުގެ ތެރެއިން، އޭނާއަށް ވާދަވެރިވެދާނެ ކޮންމެ ފަރާތެއް ނައްތާލުމުގެ ބައެއް ކަމަށް ތަޖުރިބާކާރުން ބުނެއެވެ.
ޝީ ޖިންޕިންގްގެ މި އަމަލުތަކުން ދައްކުވައިދެނީ ޗައިނާގެ ވެރިކަމުގެ ތެރޭގައި އޮތް ބާރުތައް އެއްކުރުމުގެ އުންމީދެވެ. އަސްކަރިއްޔާއާއި ސިޔާސީ އިސް ފަރާތްތަކުގެ ތެރޭގައި ތިބި ޝީއާ ދެކޮޅުވެދާނެ ކޮންމެ ބާރަކީ ނުރައްކަލެއް ކަމަށް އޭނާ ދެކެއެވެ. މިފަދަ ފިޔަވަޅުތަކުގެ ސަބަބުން ޗައިނާގެ ސިޔާސީ މަޝްރަހު އިތުރަށް ހަލަބޮލިވެފައިވާ އިރު، ޕާޓީގެ ތެރޭގައި ބިރުވެރިކަމެއް އުފެދިފައިވާކަން ޔަގީނެވެ.
ޝީގެ މި ފިޔަވަޅުތަކަކީ ޗައިނާގެ ހުރިހާ ބާރެއް އޭނާގެ ދަށަށް ގެނައުމަށްޓަކައި އަޅާ ފިޔަވަޅުތަކެކެވެ. ކޮމިއުނިސްޓް ޕާޓީގެ ތެރޭގައި ޚިޔާލުތަފާތުވުމަށް ޖާގައެއް ނެތްކަން މިއިން ސާބިތުވެއެވެ. ބާރުގެ ބޭނުންކޮށްގެން ދުޝްމަނުން ނައްތާލުމަކީ ޗައިނާގެ ވެރިކަމުގެ އާ އާދައަކަށްވެއްޖެއެވެ. މިއީ ޗައިނާގެ ޑިމޮކްރަސީއަށްވުރެ ބޮޑަށް، ފަރުދީ ވެރިކަމަކަށް ޝީ މިސްރާބު ޖަހާފައިވާކަމުގެ ހެއްކެކެވެ.
