އިންޑިއާއިން އެއާޕޯޓްތައް ޒަމާނީ ކުރުމަށް 70.6 ބިލިއަން ޑޮލަރުގެ އިންވެސްޓްމަންޓެއް ކަނޑައަޅައިފިއެވެ. ކުރިއަށް އޮތް އަހަރުތަކުގައި އިންޑިއާގައި ވައިގެ ދަތުރުފަތުރުގެ ފަސިންޖަރުންގެ ޓްރެފިކް އިތުރުވުމާ ކުރިމަތިލާން ތައްޔާރުވުމުގެ ގޮތުން، އިންޑިއާގެ އޭވިއޭޝަން ދާއިރާއަށް ބޮޑު ބަދަލެއް އަންނާނެ ކަމަށް ސަރުކާރުން ބުނެއެވެ.
ހަލުއި އާބަނައިޒޭޝަންއާއެކު އިންޑިއާއިން ވަނީ އިންފްރާސްޓްރަކްޗާ ތަރައްގީ ކުރުމަށް އެދާއިރާއަކީ މުހިންމު ފޯކަސް އޭރިއާ އެއް ކަމަށް ކަނޑައަޅާފައެވެ.
އެއާޕޯޓްސް އޮތޯރިޓީ އޮފް އިންޑިއާ އާއި އަމިއްލަ އޮޕަރޭޓަރުން ވަނީ މިއަންނަ އަހަރުން ފެށިގެން 2027 ގެ ނިޔަލަށް 70.6 ބިލިއަން ޑޮލަރު އެއަރޕޯޓާއި އެކަމާ ގުޅުން ހުރި ދާއިރާތަކަށް އިންފްރާސްޓްރަކްޗަރ ތަރައްގީ ކުރުމަށް އިންވެސްޓް ކުރުމަށް ނިންމާފައެވެ.
މި އިންވެސްޓްމަންޓުގައި މުޅި ޤައުމުގެ އެއާޕޯޓްގެ އިންފްރާސްޓްރަކްޗަރ ފުޅާކޮށް ޒަމާނީ ކުރުމަށް ފޯކަސް ކުރުމަކީ މައިގަނޑު މަސައްކަތެވެ. އަދި ފަސިންޖަރުންގެ ތަޖުރިބާ އިތުރުކުރުމާއި، އެއާޕޯޓްތަކުގެ ކެޕޭސިޓީ އިތުރުކުރުމާއި، އޮޕަރޭޝަނަލް އެފިޝަންސީ ރަނގަޅު ކުރުމުގެ މަގުސަދުގައި އިންވެސްޓް ކުރެވޭނެއެވެ.
އިންޑިއާގެ އޭވިއޭޝަން މާކެޓް ތަރައްގީ ވަމުންދާއިރު، ވައިގެ ދަތުރުފަތުރުގެ ޑިމާންޑް އަހަރަކު 10 ޕަސެންޓާއި 12 ޕަސެންޓާ ދެމެދުގެ މިންވަރަކަށް ތަރައްގީވާނެ ކަމަށް ލަފާކުރެވެ އެވެ. ކޮވިޑް-19 ގެ ކުރިން އިންޑިއާ އޮތީ ޑޮމެސްޓިކް އެއާ ޕެސެންޖަރުންގެ ރޮނގުން ދުނިޔޭގެ ތިންވަނައަށް އެންމެ ބޮޑު އޭވިއޭޝަން މާކެޓުގެ ގޮތުގައެވެ. ކޮވިޑް-19ގެ ސަބަބުން ވަގުތީ ގޮތުން އެ ދާއިރާއަށް ބުރޫއެރި އެވެ، ނަމަވެސް މިހާރު ކުރިން ހުރި ވަރަށް ދަނީ ތަރައްގީ ވަމުންނެވެ.
ވައިގެ ދަތުރުފަތުރުގެ ތަޖުރިބާކާރުން ލަފާކުރާ ގޮތުގައި 2035 ވަނަ އަހަރުގެ ނިޔަލަށް އިންޑިއާއިން އަހަރަކު 500 މިލިއަން ވައިގެ ފަސިންޖަރުން ބަލަހައްޓާނެއެވެ. މިއީ އެއާޕޯޓްގެ އިންފްރާސްޓްރަކްޗާ ފުޅާކުރުމުގެ މަސައްކަތް އަވަސް ކުރަން ޖެހޭކަން ހާމަކޮށްދޭ ކަމެކެވެ.
ކުދި ސިޓީތައް ގުޅުވުމަށް އިންޑިއާ ސަރުކާރުން ވަނީ ޚާއްސަ ސްކީމެއްވެސް ހިންގަން ނިންމާފައެވެ. މިއީ އިތުރަށް ވައިގެ ދަތުރު ފަތުރު ފުޅާވާނެ ކަމެއް ކަމަށް ބެލެވެއެވެ.
މިވަގުތު އިންޑިއާގެ ގިނަ އެއާޕޯޓްތައް، ހާއްސަކޮށް ދިއްލީ، މުމްބާއީ، އަދި ބެންގަލޫރު ފަދަ ބޮޑެތި ސިޓީތަކުގައި އޮޕަރޭޓް ކުރަމުންދަނީ އެ އެއާޕޯޓްތައް ފަރުމާކޮށްފައިވާ ކެޕޭސިޓީއަށް ވުރެން އިތުރަށެވެ. މިކަމުގެ ސަބަބުން ތޮއްޖެހުން އިތުރުވެ، މަޑުކުރާ ވަގުތު ދިގުވެގެން ދެއެވެ. އަދި ފަސިންޖަރުންގެ ތަޖުރިބާ ބޭނުންވާ ވަރަށް ވުރެން ފެންވަރު ދަށްވެގެން ދެއެވެ.
މި މައްސަލަތަކަށް އަމާޒުކޮށްގެން ޕްލޭންކޮށްފައިވާ އިންވެސްޓްމަންޓްތަކުގައި ކެޕޭސިޓީ ފުޅާކުރުމާއި އޮޕަރޭޝަނަލް މަސައްކަތުގެ ފެންވަރު ރަނގަޅު ކުރުން ހިމެނެއެވެ.
އިންޑިއާއިން އަމާޒު ހިފާފައި ވަނީ ނިއުދިއްލީގެ އިންދިރާ ގާންދީ އިންޓަނޭޝަނަލް އެއާޕޯޓުން އަހަރަކު އިތުރު 10 މިލިއަން ފަސިންޖަރުން ދަތުރުކުރެވޭނެ ގޮތް ހަދާށެވެ. އަދި މުމްބާއީގެ ޗަތުރަޕަތީ ޝިވާޖީ މަހާރާޖް އިންޓަނޭޝަނަލް އެއާޕޯޓް ރީޑިވެލޮޕްމަންޓަށް ފަހު، 2029 ވަނަ އަހަރުގެ ނިޔަލަށް އަހަރަކު 90 މިލިއަނަށް ފަސިންޖަރުންގެ ކެޕޭސިޓީއަށް އެތަން އިތުރުކުރުމެވެ.
