އިންޑިއާގެ މެޓްރޯ ރޭލް ނެޓްވޯކް 1،000 ކިލޯމީޓަރުގެ ފާހަގަ ފަހަނައަޅައި ގޮސްފިއެވެ މިއީ އިންޑިއާގެ އާބަން ޓްރާންސްޕޯޓޭޝަންގައި ހަލުވިކަމާއެކު ކުރެވުނު 10 އަހަރުގެ މަސައްކަތުގެ ނަތީޖާއެކެވެ. މި މައިލްސްޓޯނަކީ ޕަބްލިކް ޓްރާންސިޓް ޒަމާނީކޮށް، ތޮއްޖެހުން ކުޑަކުރުމާއި، ދެމެހެއްޓެނިވި ތަރައްގީ ކުރިއެރުވުމަށް ކޮށްފައިވާ މަސައްކަތެކެވެ.
1984 ވަނަ އަހަރު ފެށި، ކޮލްކަތާ މެޓްރޯއިން ފެށިގެން 2002 ވަނަ އަހަރު އިންގިލާބީ ބަދަލެއް ގެނަސްދިން ދިއްލީ މެޓްރޯއާ ހަމައަށް އިންޑިއާގެ މެޓްރޯ ނިޒާމުތައް ވަނީ ސިޓީތަކުގައި މީހުން ދަތުރުފަތުރު ކުރާ ގޮތަށް ބަދަލު ގެނަސްދީފައެވެ.
މިއަދު ބެންގަލޫރު، މުމްބާއީ، އަދި ހައިދަރުއާބާދު ފަދަ 20 އަށް ވުރެ ގިނަ ސިޓީތަކުގައި މެޓްރޯ ނެޓްވޯކްތައް ގާއިމް ކޮށްފައި ވެއެވެ. އަދި އެކަންކަމުން، ދަތުރުފަތުރަށް ފަސޭހަވެ، ސިޓީތަކުގެ ދިރިއުޅުން ފަސޭހަކޮށްދެއެވެ.
“މޭކް އިން އިންޑިއާ” ފަދަ އަމިއްލަ އުފެއްދުމަށް ބާރުއަޅާ ކެމްޕޭނާއި ފަސޭހަކޮށްދީފައިވާ ޕޮލިސީތަކުން ޕްރޮޖެކްޓްތައް ހިންގުން އަވަސްވެ، ޓެކްނޮލޮޖީގެ ކުރިއެރުންތައް އިތުރުވެގެން ގޮސްފައި ވެއެވެ. އަދި އެއާއެކު އެކީގައިއިގްތިސާދީ ކުރިއެރުން އިތުރުވެ، ވަޒީފާގެ ފުރުސަތުތައް އިތުރުވެ، އާމްދަނީ ތަނަވަސްކޮށްދީފައި ވެއެވެ.
އިންޑިއާގައި އަލަށް އިފްތިތާހުކުރި ދިއްލީ-މީރަޓް ނާމޯ ބާރަތު ކޯރިޑޯއަކީ މި ކުރިއެރުމުގެ މިސާލެކެވެ. އެއީ، ހައިސްޕީޑް ކަނެކްޓިވިޓީ ފަސޭހަކޮށްދީ، ސަރަހައްދީ ތަރައްގީ އަށް އައު މާނައެއް ގެނަސްދިން ކޯރިޑޯއެކެވެ.
އިންޑިއާގެ ސިޓީތައް ކުރިއަރަމުންދާއިރު، ދެމެހެއްޓެނިވި ތަރައްގީއަށް ބާރުއަޅައި، ހުރިހާ ފަރާތްތަކެއް ހިމެނޭ އާބަން ލޭންޑްސްކޭޕެއް ބައްޓަންކުރުމުގައި މެޓްރޯ ރޭލް ނެޓްވޯކަކީ މުހިންމު ދައުރެއް އަދާކޮށްދޭ ވަސީލަތެކެވެ.
