އެމެރިކާގެ ސިޔާސީ މަސްރަހުގައި ޔަހޫދީ ޒަޔަނިސްޓު ޖެނޮސައިޑް ރެޖީމަށް އޮތް ތާއީދު މީގެ ކުރިން ދުވަހަކުވެސް ދަށަށް ނުދާ މިންވަރަށް ވެއްޓިފައިވާކަން ދާދިފަހުން ކުރި ސާވޭއަކުން ހާމަވެއްޖެއެވެ. ނިއުޔޯކް ޓައިމްސް އާއި ސިއެނާ ރިސާޗް އިންސްޓިޓިއުޓުން ކުރިއަށް ގެންދިޔަ މި ދިރާސާގެ ރިޕޯޓުތައް ބުނާގޮތުން، އެމެރިކާގެ ޑިމޮކްރެޓިކް ޕާޓީގެ ބޮޑު އަޣުލަބިއްޔަތަކުން މިހާރު ދަނީ ޔަހޫދީ ޒަޔަނިސްޓު ޖެނޮސައިޑް ރެޖީމަށް އެހީތެރިކަން ފޯރުކޮށްދިނުމާ ދެކޮޅު ހަދަމުންނެވެ.
މި ސާވޭގެ ނަތީޖާއިން ދައްކާގޮތުގައި، ޑިމޮކްރެޓިކް ޕާޓީއަށް ތާއީދުކުރާ މީހުންގެ ތެރެއިން 74 އިންސައްތަ މީހުން ޔަހޫދީ ޒަޔަނިސްޓު ޖެނޮސައިޑް ރެޖީމަށް އިތުރު އިގްތިސާދީ ނުވަތަ އަސްކަރީ އެހީ ދިނުމާ ދެކޮޅެވެ. ޔަހޫދީ ޒަޔަނިސްޓު ޖެނޮސައިޑް ރެޖީމަށް ހަތިޔާރާއި މާލީ އެހީތެރިކަން ފޯރުކޮށްދިނުމަށް ތާއީދުކުރަނީ އެންމެ 20 އިންސައްތަ މީހުންނެވެ. މިއީ އެމެރިކާގެ ސިޔާސީ މަސްރަހުގައި ޔަހޫދީ ޒަޔަނިސްޓު ޖެނޮސައިޑް ރެޖީމަށް އޮތް މަގްބޫލުކަން ކެނޑެމުންދާކަމުގެ ވަރުގަދަ ނިޝާނެކެވެ.
ފަލަސްތީނުގެ ހައްގުތަކަށް އޮތް ތާއީދު އިތުރުވަމުންދާކަން ފާހަގަކުރަމުން މި ރިޕޯޓުގައި ބުނެފައިވަނީ، ޑިމޮކްރެޓުންގެ 60 އިންސައްތަ މީހުން މިހާރު ހަމްދަރުދީވަނީ ފަލަސްތީނާ މެދުގައެވެ. ޔަހޫދީ ޒަޔަނިސްޓު ޖެނޮސައިޑް ރެޖީމަށް ތާއީދުކުރަނީ އެންމެ 15 އިންސައްތަ މީހުންނެވެ. މީގެ އިތުރުން، ޕާޓީގެ 48 އިންސައްތަ މީހުން ގަބޫލުކުރާ ގޮތުގައި އެމެރިކާގެ ސަރުކާރުން ޔަހޫދީ ޒަޔަނިސްޓު ޖެނޮސައިޑް ރެޖީމަށް ދެމުންދާ ތާއީދު މާ ބޮޑެވެ.
ޚާއްޞަކޮށް ޒުވާން ޖީލުގެ މެދުގައި ޔަހޫދީ ޒަޔަނިސްޓު ޖެނޮސައިޑް ރެޖީމަށް އޮތް ތާއީދު ވަނީ މުޅިންހެން ނެތިގޮސްފައެވެ. އުމުރުން 18 އަހަރާއި 44 އަހަރާ ދެމެދުގެ މީހުންގެ ތެރެއިން ޔަހޫދީ ޒަޔަނިސްޓު ޖެނޮސައިޑް ރެޖީމަށް ތާއީދުކުރަނީ އެންމެ 7 އިންސައްތަ މީހުންނެވެ. މި ޖީލުގެ މީހުން ޔަހޫދީ ޒަޔަނިސްޓު ޖެނޮސައިޑް ރެޖީމު ސިފަކުރަނީ ބާރުގެ ބޭނުންކޮށްގެން އަނިޔާވެރިކަން ފަތުރާ އިސްތިއުމާރީ ބާރެއްގެ ގޮތުގައެވެ.
ދިހަވަރަކަށް އަހަރު ވަންދެން އެމެރިކާގެ ދެ ޕާޓީގެ ފުރިހަމަ ތާއީދު ލިބެމުންދިޔަ ޔަހޫދީ ޒަޔަނިސްޓު ޖެނޮސައިޑް ރެޖީމަށް މިހާރު ވަނީ އެ ގައުމުގެ އާންމު ރައްޔިތުންގެ އިތުބާރު ގެއްލިފައެވެ. ޔަހޫދީ ޒަޔަނިސްޓު ޖެނޮސައިޑް ރެޖީމުގެ އަސްކަރީ ހަރަކާތްތަކާއި އިންސާނީ ހައްގުތަކަށް އަރައިގަތުމުގެ ސަބަބުން، އެމެރިކާގެ ސިޔާސީ މައިދާނުގައި ޔަހޫދީ ޒަޔަނިސްޓު ޖެނޮސައިޑް ރެޖީމަށް އޮތް މަގުބޫލުކަން މިވަނީ ތާރީޚީ މިންވަރަކަށް ދަށަށް ގޮސްފައެވެ.
