އެމެރިކާގެ މަޝްހޫރު އެއަރލައިން، އެމެރިކަން އެއަރލައިންސް އިން އިންޑިއާގައި ގާއިމުކޮށްފައިވާ އެކުންފުނީގެ ޓެކްނޮލޮޖީ ހަބް އިތުރަށް ފުޅާކޮށް، އެތަނުގެ މުވައްޒަފުންގެ އަދަދު ދެގުނަ ކުރުމަށް ވަނީ ނިންމާފައެވެ. މިކަމުގައި ހިމެނެނީ އެކުންފުނީގެ އިންޑިއާގެ ޓެކްނޮލޮޖީގެ ހިއްސާ އިތުރު ކުުމެވެ.
-
މި ބަދަލާއެކު އެއަރލައިންގެ ޑިޖިޓަލް އަދި އައިޓީ އޮޕަރޭޝަންތައް ވަރުގަދަކުރުމަށްޓަކައި އިންޑިއާގެ މާހިރުންގެ ބޭނުން ހިފުން އިތުރުވެގެންދާނެއެވެ.
-
މި ޓެކް ހަބުން މައިގަނޑު ގޮތެއްގައި ބަލަހައްޓާނީ އެއަރލައިންގެ ސޮފްޓްވެއަރ ޑިވެލޮޕްމަންޓް، ޑޭޓާ އެނަލިޓިކްސް، އަދި ކަސްޓަމަރުންނަށްދޭ ޑިޖިޓަލް ޚިދުމަތްތައް ޒަމާނީ ކުރުމުގެ މަސައްކަތްތަކެވެ.
-
ދުނިޔޭގެ ބޮޑެތި ކުންފުނިތަކުން އިންޑިއާގައި ޓެކްނޮލޮޖީ ސެންޓަރުތައް ހަދައި، އެގައުމުގެ ޓެކް އާބާދީގެ ބޭނުން ހިފަމުންދާ ދިއުމުގެ ތެރެއަށް އެމެރިކަން އެއަރލައިންސްއިން މިވަނީ ބޮޑު އިންވެސްޓްމަންޓަކާއެކު ވަދެފައެވެ.
މިއީ ބައިނަލްއަޤްވާމީ އެވިއޭޝަން ދާއިރާގައި ޓެކްނޮލޮޖީއަށް އޮތް ބަރޯސާ ބޮޑުވަމުންދާ މިންވަރާއި، ޚަރަދު ކުޑަކޮށް ފެންވަރު ރަނގަޅު ޓެކްނޮލޮޖީގެ ޚިދުމަތްތައް އުފެއްދުމަށް ބޭރުގެ ބޮޑެތި ކުންފުނިތަކަށް އިންޑިއާ މުހިންމު މަރުކަޒަކަށް ހަދާފައިވާ ކަން ދައްކައި ދޭ ކަމެކެވެ.
