ސޮލީބީ ސަހުޔޫނީ ހަނގުރާމަ ފެށި ފަހުން އީރާނުން ދިން ހަމަލާތަކުގައި މެދުއިރުމަތީގެ 8 ގައުމެއްގައި ހުރި އެމެރިކާގެ މަދުވެގެން 20 އަސްކަރީ މަރުކަޒަކަށް ބޮޑެތި ގެއްލުންތަކެއް ވެފައިވާކަން ސެޓެލައިޓް ފޮޓޯތަކުން ދައްކާ ކަމަށް ބީބީސީ ވެރިފައި އިން ބުނެފިއެވެ.
ބީބީސީއިން ސެޓެލައިޓް ފޮޓޯތައް ދިރާސާކުރުމަށްފަހު ހާމަކޮށްފައިވާ ގޮތުގައި، އީރާނުގެ ހަމަލާތައް ސީދާ އަމާޒުކޮށްފައިވަނީ އެމެރިކާގެ އެންމެ މުހިންމު އަސްކަރީ އޮނިގަނޑުތަކަށެވެ. އޭގެ ތެރޭގައި ހިމެނެނީ:
- ވައިގެ ދިފާއީ ނިޒާމުތައް: ހަމަލާތައް ހުއްޓުވުމަށް ބޭނުންކުރާ އެއަރ ޑިފެންސް ސިސްޓަމްތައް.
- ފާރަވެރިވާ މަތިންދާބޯޓުތައް: ޖާސޫސީ މަޢުލޫމާތު އެއްކުރާ ސަވައިލަންސް އެއަރކްރާފްޓްތައް.
- ތެޔޮ ރައްކާކުރާ ގުދަންތައް: އަސްކަރީ އުޅަނދުތަކަށް ބޭނުންވާ ފިއުލް ޑިޕޯތައް.
- މުއާސަލާތީ ވަސީލަތްތައް: މަރުކަޒުތަކުގެ މެދުގައި މުއާމަލާތް ކުރުމަށް ބޭނުންކުރާ ކޮމިއުނިކޭޝަންސް އިންފްރާސްޓްރަކްޗަރ.
މި ހަމަލާތަކުގެ ސަބަބުން އެމެރިކާގެ ސިފައިންނަށް ލިބުނު މާލީ ގެއްލުމުގެ އަގު ބިލިއަނުން ޑޮލަރަށް އަރާނެ ކަމަށް ވަނީ އަންދާޒާ ކުރެވިފައެވެ.
މިކަމާ ގުޅޭގޮތުން އަސްކަރީ މާހިރުން ފާހަގަކުރާ ޚާއްޞަ ނުކުތާއެއް ބީބީސީއިން ވަނީ ތިލަކޮށްދީފައެވެ:
ދިރާސާކުރާ ފަރާތްތަކުން ބުނާ ގޮތުގައި، އީރާނުގެ މި ހަމަލާތަކަކީ އެމެރިކާގެ ސަރުކާރުގެ އޮފިޝަލުން އާންމުކޮށް އެއްބަސްވާ ވަރަށްވުރެ މާ ބޮޑަށް އަމާޒު ޞައްޙަ އަދި މާ ފުޅާދާއިރާއެއްގައި ރޭވިގެން ދީފައިވާ ހަމަލާތަކެކެވެ.
