ސްރީލަންކާގެ ރައީސް އަނޫރާ ކުމާރާ ޑިސާނާޔަކަ ވަނީ ބޮޑު ވަޒީރުގެ މަޤާމަށް ޑރ. ހަރީނީ އަމަރާސޫރިޔާ އައްޔަން ކުރައްވާފައެވެ. އަމަރަސުރިޔާއަކީ ކުރިން ޔުނިވަރސިޓީގެ ޕްރޮފެސަރއެކެވެ. އޭނާ ލީޑް ކުރައްވާނީ 7 މެމްބަރުންގެ ވަޒީރުންގެ މަޖިލީހެކެވެ. އިތުރު ވަޒީރުން ކެބިނެޓްގައި ހިމެނޭނީ، ޕާލަމެންޓް އިންތިޚާބު ކުރުމަށްފަހުއެވެ.
ޑިސަނާޔަކަ ވަނީ ރޭ ޕާލަމެންޓް އުވާލައްވާފައި ނޮވެމްބަރު 14ގައި އާންމު އިންތިޚާބު ބާއްވަވާނެ ކަމަށް އިޢުލާން ކުރައްވާފައެވެ.
ސެޕްޓެމްބަރު 21 ވަނަ ދުވަހު ބޭއްވި ރިޔާސީ އިންތިހާބު ކާމިޔާބު ކުރެއްވުމާ ގުޅިގެން ޑިސަނާޔަކަ ވަނީ ޕާލަމެންޓުން އިސްތިއުފާ ދެއްވާފައެވެ. 225 މެމްބަރުންގެ ޕާލަމެންޓްގައި އޭނާގެ އިއްތިޙާދުގެ 3 މެމްބަރުން ހިމެނުނެވެ.
