ރެޑީމޭޑް ގާމެންޓް ސިނާއަތަކީ ބަންގްލަދޭޝްގެ އިގްތިސާދުގެ ބިންގާއެކެވެ. އެ ސިނާއަތަކީ އެގައުމުގެ ޖުމްލަ އެކްސްޕޯޓް އާމްދަނީގެ %83 ހިއްސާކުރާ ސިނާއަތެކެވެ.
އަހަރަކު 28 ބިލިއަން ޑޮލަރަށް ވުރެ ގިނަ ޑޮލަރުގެ މުދާ އެކްސްޕޯޓް ކުރާއިރު، “މެޑް އިން ބަންގްލަދޭޝް” ލޭބަލް ވަނީ ދުނިޔޭގެ ފެންވަރުގައި ފާހަގަކުރެވޭ ބްރޭންޑަކަށް ވެފައެވެ.
މި ދާއިރާއިން 150 އަށް ވުރެ ގިނަ ގައުމަށް ހެދުން ފޯރުކޮށްދޭއިރު، ގާތްގަނޑަކަށް 4 މިލިއަން މަސައްކަތްތެރިން ވަޒީފާ ލިބިފައި ވެއެވެ. އޭގެ ތެރެއިން ގިނައީ އަންހެނުންނެވެ.
މަސައްކަތުގެ ދާއިރާއާއި މަގުމަތީގައި ހަމަނުޖެހުންތައް ކުރިއަށްދާއިރު، ބަންގްލަދޭޝްގެ އިގްތިސާދީ ކުރިއެރުމާއި ބައިނަލްއަގްވާމީ ވިޔަފާރީގެ ރީތިނަން ދެމެހެއްޓުމުގައި މުހިންމު ދައުރެއް އަދާކުރާ މި މުހިންމު ސިނާއަތަށް ހުރަސްއެޅިދާނެތީ ކަންބޮޑުވުންތައް ފާޅު ކުރަމުންދެ އެވެ.
