އިންޑިއާގެ މިނިވަންކަމުގެ ހަނގުރާމަވެރިއެއް ކަމަށްވާ ބަގަތު ސިންގްގެ ނަމަށް ލަހޯރުގެޝަދުމާން ޗޯކް ގެ ނަން ބަދަލުކުރުމަށް ރޭވި ރޭވުން މި ވަގުތަށް ކުރިއަށް ނުގެންދަން ނިންމައިފިއެވެ. ރިޕޯޓްތައް ބުނާ ގޮތުގައި އެތަނުގައި ބަހައްޓަން ނިންމާފައިވާ ބަގަތު ސިންގގެ ބުދު ބަހައްޓަން ވެސް ބައެއް ފަރާތްތަކުން ވަނީ ދެކޮޅު ހަދާފަ އެވެ.
ކުރިން ރާވާފައިވާ ޕްލޭނާގެން ކުރިއަށް ނުދިއުމަށް ނިންމުމަކީ، ގިނަ ބައެއްގެ މެދުގައި ކަންބޮޑުވުން އުފެދިފައިވާ ނިންމުމެކެވެ. މި ނިންމުމަކީ މި ސަރަހައްދުގެ މިނިވަންކަމުގެ ހަނގުރާމަވެރިންގެ ތާރީހީ ތަރިކައަށް ނުރައްކާވާ ނިންމުމެއް ކަމަށް ފާޑުކިޔާ ފަރާތްތަކުން ބުނެއެވެ.
ކޮމޮޑޯ (ރިޓަޔާޑް) ތާރިގު މަޖީދު ވަނީ ބަގަތު ސިންގް އަކީ “ކުށްވެރިއެއް” ކަމަށް ވިދާޅުވެ، އޭނާއަކީ، އިންގިލާބީ ބަޠަލަކަށް ވުރެ ޓެރަރިސްޓަކާ ގާތް ޝަޚުޞިއްޔަތެއް ކަމަށް ބުނެފައެވެ. މިވާހަކައިން މިކަމަށް އިުރު ނުތަވަސްކަމެއް ގެނަސްދީފައި ވެއެވެ.
މަޖީދުގެ މި ވާހަކައިން ސިންގް އަކީ މިނިވަންކަމުގެ ހަނގުރާމައިގެ ރަމްޒެއްގެ ގޮތުގައި ދެކޭ މީހުންގެ މެދުގައި އޭނާއަށް ފާޑުކިޔުންތައް ވަނީ އަމާޒުވެފަ އެވެ.
މި ޕްލޭން ކުރިއަށް ނުގެންދިއުމަށް ނިންމުމުން މި ސަރަހައްދުގެ ތާރީޚީ ފަރާތްތަކުގެ މަތިން ހަނދާންކޮށް ޝަރަފުވެރިކަން ދޭ ގޮތާ މެދު ސުވާލު އުފެދިފައިވެ އެވެ.
