އަމިއްލަ ނަފްސަށް ބަރޯސާވުމަކީ އިންޑިއާގެ ކުރިއެރުމުގެ ސްޓްރެޓެޖީގެ މުހިންމު ބައެކެވެ. ދުނިޔޭގެ ފަސްވަނައަށް އެންމެ ބޮޑު އިގްތިސާދުގެ ގޮތުގައި އިންޑިއާއިން ފޯކަސް ކުރަނީ އުފެއްދުންތެރިކަމާއި ހަކަތައާއި ދިފާއީ ދާއިރާއާއި ދަނޑުވެރިކަން ފަދަ ދާއިރާތަކުން އެތެރޭގެ އުފެއްދުންތެރިކަން އިތުރުކުރުމަށެވެ. މި ތަޞައްވުރުގެ މަޤްޞަދަކީ ދުނިޔޭގެ ހަމަޖެހުމަށް އެހީތެރިވެދޭ މިނިވަން، ހަމަޖެހޭ ޤައުމެއް އުފެއްދުމެވެ.
2020 ވަނަ އަހަރުގެ ކޮރޯނާ ވައިރަހުގެ ދުވަސްވަރު އަމިއްލަ ނަފްސަށް ބަރޯސާވުމުގެ މަސައްކަތްތައް އިންޑިއާއިން އަވަސްކޮށްލިއެވެ. އެގޮތުން އިމްޕޯޓް މަދުކުރުމާއި، ލޯކަލް ވިޔަފާރިތަކަށް އެހީތެރިވުމާއި، ސިނާއީ މިނިވަންކަން ކުރިއެރުވުމަށް ބާރުއެޅިއެވެ. މި ސިޔާސަތުތަކުގެ ސަބަބުން ސިއްހީ ފަރުވާ، އިންފްރާސްޓްރަކްޗާ، އިއާދަކުރަނިވި ހަކަތަ، އަދި ޓެކްނޮލޮޖީ ފަދަ ސިނާއަތްތަކަށް އަސަރުކޮށްފައިވެ އެވެ.
އިންޑިއާގެ ޑިފެންސް އިންޑަސްޓްރީ ވަނީ އިމްޕޯޓަށް ބަރޯސާވާ ދާއިރާއަކުން އަމިއްލަ އުފެއްދުންތެރިކަމަށް ބަރޯސާވާ ދާއިރާއަކަށް ބަދަލުވެފަ އެވެ.
މޭކް އިން އިންޑިއާ ގެ އިސްނެގުމުގެ ސަބަބުން މި ބަދަލު ގެނެސްދީފައިވާއިރު، ޕަބްލިކް-ޕްރައިވެޓް ކޯލަބަރޭޝަން އަދި ރިސާޗް ޑިވެލޮޕްމެންޓްއާއި އިންވެސްޓްމަންޓްތަކަށް ހިތްވަރު ލިބިފައިވެއެވެ.
މިހިނގާ މާލީ އަހަރު އިންޑިއާއިން 15 ބިލިއަން އެމެރިކާ ޑޮލަރު ގެ އަމިއްލަ ދިފާއީ އުފެއްދުންރައް އުފެއްދުމުގައި ކުރި ހޯދިއިރު، މިއީ 2014 ވަނަ އަހަރަށްފަހު %174 އިތުރުވުމެކެވެ. މިއަދު ދިފާޢީ ސާމާނުގެ %65 އުފައްދަނީ އިންޑިއާއިން އަމިއްލައަށް އެތެރޭގައެވެ.
މަތިންދާ ބޯޓު އުފުލާ މަނަވަރު ވިކްރަންޓް، ލައިޓް އަސްކަރީ މަތިންދާބޯޓޫ ތެޖާސް، އަދި ދަނޫޝް އާޓިލަރީ ގަން ސިސްޓަމް ފަދަ މަޝްރޫއުތަކުން މި އިންޑިއާގެ ދިފާއީ ކުރިއެރުން ފާހަގަކޮށްލެވެއެވެ.
އިންޑިއާގައި 16،000 އެމްއެސްއެމްއީ އާއި 430 ލައިސަންސް ލިބިފައިވާ ދިފާއީ އުފެއްދުމުގެ ސިނާއަތުގައި ބައިވެރިވާ ކުންފުނިތަކުން އަމިއްލަ އުފެއްދުމުގެ %21 ހިއްސާކުރެއެވެ.
ގުޖުރާތުގެ ޓާޓާ އެއާކްރާފްޓް ކޮމްޕްލެކްސްގައި އަސްކަރީ މަތިންދާބޯޓު ސީ-295 މަރުކާގެ ބޯޓުތައް އެސެމްބްލް ކުރާއިރު، އިންޑިއާގެ ޒަމާނީ އުފެއްދުންތެރިކަމާއި ޓެކްނޮލޮޖީ ޓްރާންސްފާ ކުރެވެމުންދާތަން ދައްކުވައިދެ އެވެ.
އިންޑިއާއިން 2029 ވަނަ އަހަރުގެ ނިޔަލަށް ދިފާއީ އުފެއްދުމުގައި 36 ބިލިއަން އެމެރިކާ ޑޮލަރުގެ މުދާ އުފެއްދުމަށް އަމާޒު ހިފާފައި ވާއިރު، މިއީ ދުނިޔޭގެ ޑިފެންސް ލީޑަރެއްގެ ގޮތުގައި އިންޑިއާގެ ދައުރު ވަރުގަދަކޮށްދޭ ކަމެކެވެ.
