އިންޑިއާގެ އެކްސްޓާނަލް އެފެއާޒް މިނިސްޓަރު އެސް ޖައިޝަންކަރާއި ޓްރިނިޑާޑް އެންޑް ޓޮބޭގޯގެ މިނިސްޓަރު އޮފް ފޮރިން އެންޑް ކެރިކޮމް އެފެއާޒް އަމެރީ ބްރައުން ދެ ގައުމުގެ ގުޅުން ބަދަހި ކުރުމުގެ އެއްބަސްވުންތަކުގައި ސޮއިކުރައްވައިފިއެވެ.
މި ސޮއިކުރުން އޮތީ އިންޑިއާ-ކެރިކޮމްގެ ދެވަނަ ސަމިޓްގައި އިންޑިއާގެ ބޮޑުވަޒީރު ނަރެންދުރަ މޯދީ އާއި ޓްރިނިޑާޑް އެންޑް ޓޮބޭގޯގެ ބޮޑުވަޒީރު ކޭތު ރޯލީގެ ހާޒިރުގައެވެ.
ސަމިޓުގެ ހަވާސާގައި އިންޑިއާ ބޮޑު ވަޒީރު މޯދީ އާއި ޓްރިނިޑާޑް އެންޑް ޓޮބޭގޯގެ ރޯލީ ވަނީ ވިޔަފާރީގެ ގުޅުން ފުޅާކުރުމަށް މަޝްވަރާތައް ބާއްވަވާފައެވެ. އެކްސް ގައި ކުރެއްވި ޕޯސްޓެއްގައި މޯދީ ވަނީ ސައިންސް، ސިއްހީ ފަރުވާ، ތައުލީމާއި އިއާދަކުރަނިވި ހަކަތަ، އަދި ދަނޑުވެރިކަން ފަދަ ދާއިރާތަކުން އެއްބާރުލުން ދެއްވުމަށް އަލިއަޅުވާލައްވާފަ އެވެ.
އަދި އިންޑިއާގެ ޔޫޕީއައި ނިޒާމު ޓްރިނިޑާޑް އެންޑް ޓޮބެގޯއިން ތައާރަފް ކުރުމާއި އެގްރޯ އަދި ފުޑް ޕްރޮސެސިން އަށް އަމާޒުކޮށްގެން އެމްއޯޔޫއެއްގައި ސޮއިކުރުމަށް މޮދީ ވަނީ ތައުރީފު ކުރައްވާފަ އެވެ. މި ކަންކަމަކީ ދެގައުމުގެ ގުޅުމުގެ އާ މަރުހަލާއެއް ކަމުގައި ވިދާޅުވިއެވެ.
