ޕާކިސްތާންގެ ސިންދު ޕްރޮވިންސުން އޮކްޓޯބަރު މަހު ވެކްސިން ދިނުމަށް ދެކޮޅު ހަދާ 43،000 އަށް ވުރެ ގިނަ މައްސަލަ ރިޕޯޓްކޮށްފައި ވެއެވެ.
މިއީ ޕޯލިއޯއާ ދެކޮޅަށް ސަރުކާރުން ކުރާ މަސައްކަތަށް ތަރުހީބު ނުލިބޭ ފަދަ ކަންބޮޑުވުންތައް އިތުރުވަމުންދާ ދަނޑިވަޅެއްގައި ދިމާވި އުނދަގޫ ކަމެއް ކަމަށް ރިޕޯޓްތައް ބުނެ އެވެ.
ސިންދު ޕްރޮވިންސްގެ 20 ޑިސްޓްރިކްޓްގެ %66 ތަނަކުން ނަގާފައިވާ ތިމާވެށީގެ ސާމްޕަލް ތަކުން މިއަހަރު ޕޯލިއޯ ވައިރަސްއަށް ޕޮޒިޓިވްވެފައިވާ ކަން އެނގިފައި ވެއެވެ.
ސިންދުގެ ޗީފް މިނިސްޓަރ ހައުސްގައި ބޭއްވި ބައްދަލުވުމެއްގައި ޗީފް މިނިސްޓަރު މުރާދު އަލީ ޝާހު ވަނީ ޕޯލިއޯއާ ދެކޮޅަށް ކުރާ މަސައްކަތަށް ރައްދު ނުދޭ އޮފިޝަލުންނާ މެދު ހަރުކަށި ފިޔަވަޅު އެޅުމަށް ޗީފް ސެކްރެޓަރީއަށް އަންގަވާފަ އެވެ. މިފިޔަވަޅުގެ ތެރޭގައި، ޑެޕިއުޓީ ކޮމިޝަނަރުންނާއި، ފުލުހުންގެ އިސް އޮފިސަރުންނާއި، ބޭނުން ނަމަ ޑިސްޓްރިކްޓް ހެލްތު އޮފިޝަލުން ވަކިކުރުން ހިމެނެއެވެ.
އޮފިޝަލުން ވަނީ ބޮޑެތި ތިން ގޮންޖެހުމެއް ފާހަގަ ކޮށްފައެވެ.
އެއީ ވެކްސިން ދިނުމަށް ދެކޮޅު ހެދުމާއި އޮފިސަރުންގެ ޝައުގުވެރިކަން ކުޑަވުމާއި 321،000 ކުދިން އެ ޕްރޮވިންސަށް ހިޖުރަކުރުމުން ވައިރަސް އަލުން ތައާރަފް ވެގެން ދިއުމެވެ.
ސިންދުގައި ވެކްސިން ލިބިފައި ވަނީ ފަސް އަހަރުން ދަށުގެ 10.6 މިލިއަން ކުދިންގެ ތެރެއިން އެންމެ %69 ކުދިންނަށެވެ.
