ޕާކިސްތާންގެ ދަށުގައި އޮންނަ ކަޝްމީރުގައި ނީލަމް-ޖެލަމް ކޯރުގައި ބިނާ ކުރަމުންދާ 969 މެގަވޮޓްގެ ހައިޑްރޯޕަވަރ ޕްރޮޖެކްޓް (އެންޖޭއެޗްޕީ) އަށް ބޮޑެތި ހުރަސްތަކެއް ކުރިމަތިވެއްޖެ އެވެ. 2024 ވަނަ އަހަރުގެ މެއި މަހު މި މަޝްރޫއު ބަންދުކުރީ ހިލަތަކެއް ފައިބައިގެން ދިއުމުގެ ސަބަބުންނެވެ.
އެއް ޒަމާނެއްގައި އަގުހެޔޮ ކޮށް ކަރަންޓު ދިނުމުގެ އުންމީދުގައި ފެށި މި ޕްރޮޖެކްޓުގެ ކުރިމަގެއް ނުފެނެއެވެ. ޕާކިސްތާނަކީ އާންމުން ގަބޫލުކުރާ ގޮތުގައި ކަރަންޓުގެ ހޭދަ ބޮޑު ގައުމެކެވެ. މިމަޝްރޫއު ކުރިއަށް ނުގެންދިއުމުގެ ސަބަބުން ރައްޔިތުންގެ މެދުގައި ރުޅިވެރިކަން ފެތުރިފައި ވެއެވެ.
2000 ގެ އަހަރުތަކުގައި 1.5 ބިލިއަން ޑޮލަރުގެ ބަޖެޓަކާ އެކު މި މަޝްރޫއު ފެށިއެވެ. ފަހުން ޚަރަދުތައް ފަސް ބިލިއަން ޑޮލަރަށް އިތުރު ވެގެން ދިޔައެވެ.
2018 ވަނަ އަހަރު މި ޑޭމް ލޯންޗުކުރި ފަހުން ޓަނަލްތަކުގައި ރެނދުލުމާއި ފެން ލީކުވުމުގެ މައްސަލަތައް ދިމާވެފައި ވެއެވެ. އެކަންކަމާ ގުޅިގެން، 2022-2023 ވަނަ އަހަރު 13 މަސް ދުވަހުގެ މުއްދަތަށް ޑޭމް ބަންދުކޮށްފައި ބެހެއްޓިއެވެ.
ތަޖުރިބާކާރުން ތުހުމަތު ކުރަނީ ބިންހެލުން އަންނަ ސަރަހައްދެއްގައި މަސައްކަތް ފަށާފައިވާ ރޭވުންތެރިކަމެއް ނެތި ކަމަށެވެ.
މި މަސައްކަތަކީ، ޗައިނާގެ ކޮންސޯޓިއަމަކާއި ޗައިނާ ގެޒޯބާ ގްރޫޕާއި ސީއެމްއީސީގެ ކޮންސްޓްރަކްޝަން މަސައްކަތެކެވެ.
މި ޑޭމްގެ މައްސަލަ ބޮޑުވެ، ބޮޑުވަޒީރު ޝެހްބާޒް ޝަރީފް ވަނީ 2024 ވަނަ އަހަރުގެ އޭޕްރީލް މަހު މިމައްސަލަ ތަހުގީގު ކުރުމަށް އަންގަވާފައެވެ. ނަމަވެސް، އެ މަޝްރޫއުގެ މާޒީއާ ގުޅުން ހުރި އަދަދުތަކާ ހަމައިން ތަހުގީގު ވަނީ ހުއްޓިފައެވެ. ކޮރަޕްޝަނާއި އަސްކަރީ ބައިވެރިވުން ހިމެނޭ ކަމަށް އިދިކޮޅުން ތުހުމަތުކުރެއެވެ.
މިހާރު މިޑޭމްގެ މައްސަލަތައް މަރާމާތު ކުރެވޭނެ ކަމަށް ލަފާކުރެވެނީ 20 ބިލިއަން އާއި 300 ބިލިއަން ޕާކިސްތާން ރުޕީސް އަށެވެ. ނަމަވެސް ފައިސާ ވަނީ ތަދު އެއްޗަކަށް ވެފައެވެ.
މި ޑޭމްގެ މަސައްކަތް ނުފެށުމުން، ޕާކިސްތާނުގެ ހަކަތައަށް ކުރިމަތިވާ ދަތިތައް އިތުރު ވެފައި ވެއެވެ.
