ޖަކާޓާގައި ބެއްވި ފީފާ ވޯލްޑް ކަޕްގެ އޭޝިއަން ކޮލިފައިންގ މެޗެއްގައި ޗައިނާއާ ދެކޮޅަށް 1-0 އިން މުހިންމު ކާމިޔާބީއެއް އިންޑޮނޭޝިއާއިން ހޯދައިފިއެވެ. މިއާއެކު އިންޑޮނޭޝިއާ ދެވަނަ ފަހަރަށް ވޯލްޑް ކަޕުން ފެނުމުގެ އުންމީދު ދެމެހެއްޓިފައިވެއެވެ. މެޗުގެ ހަމައެކަނި ލަނޑު ޖެހީ އަލީ ރޮމެނީއެވެ. އެއީ ފުރަތަމަ ހާފުގެ ނިމުމާ ކައިރިވެފައިވަނިކޮށް ޔަންގ ޒެކްސިއަންގ ކުރި ފައުލަކުން ރިކީ ކަމްބުއާޔާއަށް ލިބުނު ޕެނަލްޓީ ކިކަކުންނެވެ. މި ބަލިވުމާއެކު ޗައިނާގެ ވޯލްޑް ކަޕަށް ކޮލިފައިވުމުގެ ފުރުޞަތު ގެއްލިއްޖެއެވެ.
ޗައިނާގެ ޑިފެންސުން ވަރަށް ބޮޑަށް ޕްރެޝަރކުރި އެވެ. ނަމަވެސް އިންޑޮނޭޝިއާއިން ރަނގަޅަށް ދިފާޢުވެ ޗައިޏާ ހިފަހައްޓާލި އެވެ. ރޮމެނީއަށް ޕެނަލްޓީ ޖެހުމުގެ ކުރިން ދެ ފަހަރެއްގެ މަތިން ލަނޑުޖެހުމުގެ ފުރުޞަތުވެސް ގެއްލުނެވެ. އަދި ޗައިނާގެ ހަން ޕެންގްފެއިއަށް ބޮލުން ޖަހައިގެން މުހިންމު ފުރުޞަތެއް ގެއްލުނެވެ.
ގްރޫޕް ސީގެ އެހެން މެޗުތަކުގައި، އޮސްޓްރޭލިއާ އިން ޖަޕާނާ ދެކޮޅަށް 1-0 އިން ކާމިޔާބު ހޯދައި ކޮލިފައިވުމާ ކައިރިވެއްޖެއެވެ. އެ މެޗުގައި ކާމިޔާބީ ހޯދައިދިނީ އަޒީޒް ބެހިޗްގެ 90 ވަނަ މިނެޓުގައި ޖެހި ޝޮޓަކުންނެވެ.
ސަޢޫދީ ޢަރަބިއްޔާއިން ބަޙްރައިނާ ކުޅޭ މެޗުން ބަލި ވެއްޖެނަމަ އޮސްޓްރޭލިއާގެ ކުރިއަށްދިއުން ޔަޤީންވާނެއެވެ.
