ސިޔާސީ ކަންކަމުގެ ސަބަބުން ދުނިޔޭގެ ވިޔަފާރިއާއި އިގްތިސާދަށް ހިޔަނި އެޅެމުންދާ ކަމަށް އިންޒާރު ދެއްވައި، ސަޕްލައި ޗޭންތައް ތަފާތުކޮށް އަމިއްލަ ނަފްސަށް ބަރޯސާވުން ހަރުދަނާ ކުރުމަށް އިންޑިއާގެ ޚާރިޖީ ވަޒީރު އެސް ޖަޔަޝަންކަރު ގޮވާލައްވައިފިއެވެ.
ކަލްކަތާގެ އައިއައިއެމް އިން ޝަރަފުވެރި ޑޮކްޓަރޭޓް ހާސިލް ކުރެއްވުމަށްފަހު އެ ޖަލްސާގައި ވާހަކަފުޅު ދައްކަވަމުން ޖައިޝަންކަރު ވިދާޅުވީ އެމެރިކާއިން އިންޑިއާގެ މުދަލަށް ނަގާ ބޮޑު ޓެރިފްތަކުގެ ސަބަބުން އިންޑިއަގެ މަސްލަހަތު ހިމާޔަތް ކުރަން ޖެހޭ ކަމަށެވެ. ޑޮނަލްޑް ޓްރަމްޕް ވަނީ އިންޑިއާގެ އިމްޕޯޓުން %50އަށް ތެރިފް ނެގުމަށް ނިންމާފައެވެ.
އިންޑިއާ އާއި އެމެރިކާ އިން ދަނީ ވިޔަފާރީގެ އެއްބަސްވުމަކަށް ދިއުމަށް ދެ ޓްރެކެއްގައި މަޝްވަރާ ކުރަމުންނެވެ. ޓެރިފްގެ މައްސަލަތައް ހައްލުކުރުމަށް މަޝްވަރާ ކުރަމުންދާއިރު ވިޔަފާރީގެ ފުރިހަމަ އެއްބަސްވުމެއް ބިނާކުރުމަށްވެސް އިންޑިއާއިން ދަނީ ވާހަކަ ދައްކަމުންނެވެ.
އެމެރިކާއިން ޓެރިފްތައް ނެގުމުގެ ސަބަބުން އިންޑިއާއިން އެމެރިކާއަށް އެކްސްޕޯޓްކުރާ މިންވަރު ހީކުރި ވަރަށް ވުރެ ބޮޑަށް ވެފައި ވެއެވެ. ނަމަވެސް އެކަމުގެ ނުބައި އަސަރުން އަސަރުން ސަލާމަތްވެފައިވާ ކަމަށް މަސްއޫލުވެރިން ވިދާޅުވެއެވެ.
އެމެރިކާއާއި އިންޑިއާގެ އަމާޒަކީ 2030 ވަނަ އަހަރުގެ ނިޔަލަށް ދެ ގައުމުގެ ވިޔަފާރި ދެގުނަކޮށް 500 ބިލިއަން ޑޮލަރަށް ގެންދިއުމެވެ.
އިންޑިއާގެ ދަނޑުވެރިކަމާއި ޓެކްނޮލޮޖީގެ މާކެޓްތަކަށް ފަސޭހައިން ވަދެވޭނެ ގޮތް ހެދުމަށް ވޮޝިންޓަނުން ފިއްތުންތައް ކުރިމަތި ކުރަމުންދާއިރު، ނިއުދިއްލީން މަސައްކަތް ކުރަމުންދަނީ އިންޑިއާގެ ހުނަރުވެރިންނަށް އެމރިކާގައި ފަސޭހައިން މަސައްކަތް ކުރެވޭ ގޮތް ހަދައި ޑިޖިޓަލް ޓްރޭޑްއާ ބެހޭ ސާފު އުސޫލުތަކެއް އެކުލަވާލާށެވެ. އަދި ދުނިޔޭގެ އުފެއްދުންތެރިކަމުގައި ޗައިނާގެ ބާރުގަދަކަމާއި ސަޕްލައި ޗޭންގެ ނުތަނަވަސް ކަމަށްވެސް ޖައިޝަންކަރު ވަނީ އިޝާރާތް ކުރައްވާފަ އެވެ. ޖަޔަޝަންކަރު ވިދާޅުވީ އިންޑިއާއިން މަސައްކަތް ކުރަމުން ދަނީ އަމިއްލަ ފައިމައްޗަށް ތެދުވާށެވެ. އަދި އިންޑިއާގެ ހަރުދަނާ ސިނާއީ ބިންގަލަށް އޭނާ އިޝާރާތް ކުރެއްވިއެވެ. އަދި ދުނިޔޭގެ ތިންބައިކުޅަ އެއްބައިގެ ސިނާއީ ހަރަކާތްތައް ޗައިނާގައި މިހާރު އޮތުމުން އެކަންވެސް އެހެން ގައުމުތަކަށް ފެތުރެރން ޖެހޭ ކަމަށް ވިދާޅުވިއެވެ.
އޭނާ ވަނީ 2047 ވަނަ އަހަރުގެ ނިޔަލަށް ތަރައްގީވެފައިވާ ގައުމަކަށް ވުމުގެ ތަސައްވުރުގެ ތެރެއިން ކުރިއަރާފައިވާ އުފެއްދުންތެރިކަމަށް ފޯކަސް ކުރުމަށް ބާރު އަޅުއްވާފައެވެ. އެއީ، ސެމީކޮންޑަކްޓަރުގެ ދާއިރާއާއި، އިލެކްޓްރިކް ވެހިކަލްއާއި، ޑްރޯން، އަދި ބަޔޯސައިންސްގެ ދާއިރާތަކެވެ.
