ޗައިނާގެ ކޮމިއުނިސްޓް ޕާޓީ (ސީސީޕީ)ން ސިފައިންގެ ސަފުތައް ސާފުކުރުމުގެ މަސައްކަތް ކުރިއަށްދާ ދަނޑިވަޅެއްގައި ސިޔާސީ ވެރިންނަށް ވަނީ ވަރުގަދަ ދެކޮޅުވެރިކަމަކާ ކުރިމަތި ލާންޖެހިފަ އެވެ. ލިބެން ހުރި ރިޕޯޓްތަކުން ހާމަވާ ގޮތުގައި ކޮރަޕްޝަންގެ ތަހުގީގުތަކާ ދެކޮޅު ހަދާ އޮފިސަރުން ބައިވެރިވާ މަރުގެ ދެ ހާދިސާއެއް ހިނގާފައިވެ އެވެ.
2024 ވަނަ އަހަރުގެ އޮގަސްޓް މަހު ސެންޓްރަލް ތިއޭޓަރ ކޮމާންޑްގެ ލޮޖިސްޓިކްސް އޮފިސަރަކު ވަނީ އަމިއްލައަށް މަރުވުމުގެ ކުރިން ދެ އިންވެސްޓިގޭޓަރުން މަރާލާފައެވެ. އޭގެ މަހެއްހާ ދުވަސް ފަހުން ސަދަން ތިއޭޓަރ ކޮމާންޑްގެ ސީނިއާ ނޭވަލް އޮފިސަރަކު ވަނީ އޭނާގެ ގަޔަށް ބަޑިޖަހައި މަރާލުމުގެ ކުރިން ހަތަރު އިންވެސްޓިގޭޓަރުން މަރާލާފަ އެވެ.
މި ހާދިސާތަކަށް ފަހު އިންވެސްޓިގޭޓަރުންނަށް ސަރުކާރުން ވަނީ ހައި ރިސްކް އޮޕަރޭޝަންތަކުގައި ބުލެޓްޕްރޫފް ވެސްޓް ލައިގެން އުޅުމަށް އަންގާފަ އެވެ. ރިޕޯޓްތައް ބުނާ ގޮތުގައި ތަހުގީގު ކުރާ އޮފިޝަލުން ބަޑި އާއެކު ތައްޔާރަށް ތިބެމުން ދިއުމަކީ ސިފައިންގެ ތެރޭގައި އިތުރު ވަމުން އަންނަ ނުތަނަވަސްކަން ދައްކުވައިދޭ ކަމެކެވެ.
2023 ވަނަ އަހަރުން ފެށިގެން ކޮމިއުނިސްތް ޕާޓީން ވަނީ ކުރީގެ ޑިފެންސް މިނިސްޓަރުންނާއެކު 100 އަށް ވުރެ ގިނަ ސިފައިންގެ އިސް އޮފިޝަލުންގެ ތަހުގީގެއް ފަށައި އެމީހުންނަށް އަމާޒުކޮށްފަ އެވެ.
ރިޕޯޓްތަކުން ހާމަވާ ގޮތުގައި ފުޅާދާއިރާއެއްގައި ސިފައިންގެ ތެރޭގައި ހިތްހަމަނުޖެހުން އުފެދިފައިވާއިރު، ފާޑުކިޔާ ފަރާތްތަކުން ބުނަމުން ދަނީ މި މާހައުލުގައި ސިޔާސީ ދަތިކަމެއް ކުރިމަތިވެދާނެ ކަމުގެ އިންޒާރު ދީފަ އެވެ.
އޭގެ އިތުރުން ގައުމުން ބޭރަށް ފައިސާ ޓްރާންސްފާ ކުރުމުގެ ކޮރަޕްޝަންގެ މައސަލަތާކައި ކްރިޕްޓޯކަރަންސީއާ ގުޅުން ހުރި ކޮރަޕްޝަންތައް ވެސް ހިންގާފައިވާ ކަމަށް މިމީހުންގެ މައްޗަށް ތުހުމަތު ކުރެވިފައި ވެއެވެ.
ދާދި ފަހުން މަރުވެފައިވާ ކަސްޓަމްސްގެ އެންމެ އިސް އޮފިޝަލަކުވެސް ހިމެނެއެވެ. އެއާއެކު ސިފައިންނާއި މަސްއޫލުވެރިންގެ ތެރޭގައި ކޮރަޕްޝަނާ ދެކޮޅަށް ކުރާ މަސައްކަތުން ފުޅާ ދާއިޜާއެއްގެ އަސަރުތަކެއް ކުރާމެ ކަމަށް ބުނަމުން ދެއެވެ.
