އިންޑިއާ އާއި ޔޫރަޕިއަން ޔޫނިއަންއާ ދެމެދު މިނިވަން ވިޔަފާރީގެ އެއްބަސްވުމެއް (އެފްޓީއޭ) އެކުލަވާލުމަށް މަޝްވަރާކުރުމަށް އަދިވެސް އިސްކަންދޭ ކަމަށާއި ދެ ފަރާތުން ވެސް އެކަމަށް ބާރުއަޅާ ކަމަށް އިންޑިއާގެ ބޮޑުވަޒީރު ނަރެންދުރަ މޯދީ ވިދާޅުވެއެވެ. މޮދީ މިވާހަކަތައް ހާމަކުރައްވާފައި ވަނީ، ސްޕެއިންގެ ބޮޑުވަޒީރާއެކު ބޭއްވެވި ދެގައުމުގެ ގަޑިއެއްހައި އިރުގެ މަޝްވަރާތަކަށް ފަހު އެވެ.
ވަޑޯދަރާގެ ލަކްޝްމީ ވިލާސް ޕެލަސްގައި ކުރިއަށް ގެންދިޔަ ދެ ގައުމުގެ މަޝްވަރާތަކުގައި މޯދީ އާއި ސަންޗޭޒް ވަނީ ވިޔަފާރި، ދިފާއީ، އަދި ޓެކްނޮލޮޖީގެ އެއްބާރުލުން ފަދަ ގިނަ މައުޟޫއުތަކެއްގައި އިންޑިއާއާއި ސްޕެއިން ބައިވެރިވެގެން ކުރިއަށް ގެންދިއުމަށް މަޝްވަރާކުރައްވާފަ އެވެ.
އިންޑިއާ އީޔޫގެ އެފްޓީއޭގެ މަގުސަދަކީ ދެ ސަރަހައްދުގެ ވިޔަފާރިއާއި އިންވެސްޓްމަންޓްތައް އިތުރަށް މަޝްވަރާ ކުރުމުގެ އިތުރުން، އިންވެސްޓްމަންޓް ޕްރޮޓެކްޝަން އެއްބަސްވުމަކާއި ޖިއޮގްރަފިކަލް އިންޑިކޭޝަންސް (ޖީއައި) އާ ބެހޭ އެއްބަސްވުމެއް ހެދުމަށް ވެސް ދެފަރާތުން ދަނީ މަޝްވަރާ ކުރަމުންނެވެ.
އިންޑިއާ އާއި އީޔޫއާ ދެމެދު 2007 ވަނަ އަހަރުން ފެށިގެން ކުރިއަށްދާ އެފްޓީއޭގެ މަޝްވަރާތައް ދޭތެރޭން ހުޓުމަކަށް އައިސް ކުރިއަށް ދެމުން ދެއެވެ.
