2023 ވަނަ އަހަރުގެ ޖޫން މަހު ކެނެޑާއިން ފާސްކުރި ކެނެޑާގެ އޮންލައިން ނިއުސް އެކްޓްގެ ސަބަބުން ނޫސްވެރިކަމުގެ މިނިވަންކަމަށް އަސަރުކޮށް ޚަބަރުތައް ކަވަރުކުރުމުގައި ތައައްސުބެއް ގެންގުޅެން ޖެހޭކަމަށް ބުނެ ކަންބޮޑުވުންތަކެއް ވަނީ ފާޅުކޮށްފަ އެވެ. ފޭސްބުކް އަދި އިންސްޓަގްރާމް ފަދަ ޓެކްނޮލޮޖީގެ ބިޔަ ކުންފުނިތަކުން ކެނެޑާގެ ނިއުސް އޯގަނައިޒޭޝަންތަކަށް ޝެއާ ކުރާ ކޮންޓެންޓަށް ބަދަލު ދޭން ޖެހޭއިރު، ފާޑުކިޔާ މީހުން ބުނަނީ އެ ގާނޫނު ތަންފީޒު ކުރަނީ މިނިވަން މީޑިއާއަށް އަމާޒުކޮށްގެންނެވެ. ވަކިން ޚާއްސަކޮށް އިންޑިއާގެ ދަރިކޮޅުގެ މީހުންނާ ގުޅިފައިވާ މީޑިއާއަށް ބަލާފައި ކަމަށެވެ.
ކެނެޑާއިން ވަނީ އިންޑިއާގެ މީހުންނަށް މުހިންމު މައުޟޫއުތައް ގެނަސްދޭ މީޑިއާތައް ބްލޮކް ކޮށްފައެވެ. އެއާ ޚިލާފަށް އިންޑިއާ ސަރުކާރާ ދެކޮޅަށް ބަޣާވާތް ކުރާ ބައިބައިވުމުގެ ވާހަކަތައް ޕްރޮމޯޓްކުރާ މީޑިއާ ޕްލެޓްފޯމްތައް އެއްވެސް ހުރަހެއް ނެތި ކެނެޑާގައި ހިނގަމުންދެއެވެ. މި ތަފާތުގެ ސަބަބުން ކެނެޑާ ސަރުކާރުން ޤާނޫނު ބޭނުންކޮށްގެން ވަކި ބައެއްގެ އަޑުތަކެއް ފިއްލާތާލަނީ ކަމަށް ތުހުމަތު ކުރެވެއެވެ.
