ޕާކިސްތާންގެ ލާހޯރު ސިޓީއާއި އެސިޓީއާއި ކައިރި ހިސާބުތަކުން، 24 ގަޑިއިރުގެ ތެރޭގައި އެ ސިޓީން ނޭވާލާ ނިޒާމާއި ވައިރަލް އިންފެކްޝަންގެ 15،000 އަށް ވުރެ ގިނަ ކޭސް ރިޕޯޓު ކޮށްފިއެވެ. ލާހޯރަށް ދުން ބޯ ޒަމާނަކާ ކުރިމަތިލާން ޖެހިފައި ވެއެވެ.
އާރީ ނިއުސް އިން ބުނާ ގޮތުގައި ގިނަ ކޭސްތައް ރިޕޯޓްކޮށްފައިވަނީ ސަރުކާރުގެ ބޮޑެތި ހޮސްޕިޓަލްތަކުންނެވެ. އޭގެ ތެރޭގައި މޭޔޯ ހޮސްޕިޓަލް (4،000 ބަލިމީހުން)، ޖިނާހު ހޮސްޕިޓަލް (3،500 ބަލިމީހުން)، ގަންގާރާމް ހޮސްޕިޓަލް (3،000 ބަލިމީހުން)، އަދި ކުޑަކުދިންގެ ހޮސްޕިޓަލް (2،000 ބަލިމީހުން) ރިޕޯޓުކޮށްފައި ވެއެވެ.
ޕާކިސްތާނުގެ މެޑިކަލް ތަޖުރިބާކާރުން ވަނީ ހިތުގެ ބަލި މީހުންނާއި ނޭވާ ހިއްލާމީހުން، ދުން ބޯވެ، ވައި ނުސާފު ވުމުގެ ސަބަބުން، އާންމު ތަންތަނަށް ނުނިކުތުމަށް އިލްތިމާސްކޮށްފައެވެ.
ވައި ނުސާފުވުމުގެ ސަބަބުން ވައިރަލް ފީވާގެ ކޭސްތައްވެސް އިތުރުވެފައިވެއެވެ. އަދި ނިއުމޯނިއާއާއި ކެއްސުމާއި އަދި ހަމުގެ ބަލިތައް އާންމުވެފައިވާ ކަމަށް ބުނެފައި ވެއެވެ.
