ހެންލީ އެންޑް ޕާޓްނަރސްގެ އެންމެ ފަހުގެ ރިޕޯޓުގައިވާ ގޮތުން ދުނިޔޭގެ ރޭންކިންގައި ޕާކިސްތާނުގެ ޕާސްޕޯޓް 102 ވަނަ އަށް ވެއްޓިއްޖެ އެވެ. ޕާކިސްތާނުގެ ޕާސްޕޯޓް ހޯލްޑަރުންނަށް މިހާރު ވިސާ ނެތި ދަތުރު ކުރެވޭނީ އެންމެ 34 ގައުމަކަށެވެ.
މި ރިޕޯޓުގައި ސޯމާލިއާ، ޔަމަން، ބަންގްލަދޭޝް، އަދި އެހެނިހެން ގައުމުތައް ހިމަނާފައި ވަނީ ޕާކިސްތާނަށް ވުރެ މަތީގައެވެ.
މި ގައުމުތަކުގެ ރައްޔިތުންނަށް ވިސާ ނެތި 38 ގައުމަކަށް ވަދެވޭނެ އެވެ.
މި ރިޕޯޓުގައި އެއްވަނައިގައި އޮތީ ސިންގަޕޫރެވެ. ވިސާ ފްރީކޮށް ސިންގަޕޫރު މީހުންނަށް 195 މަންޒިލަކަށް ވަދެވޭނެ އެވެ. އޭގެ ފަހުން ފްރާންސް، ޖަރުމަން، އަދި ޖަޕާނެވެ. އެ ގައުމުތަކަށް ވިސާ ނެތި 192 ގައުމަކަށް ދަތުރު ކުރުމުގެ ހުއްދަލިބެވެ.
އަފްޣާނިސްތާން އަދިވެސް އޮތީ އެންމެ ފުލުގައެވެ. އެގައުމަށް ވިސާ ފްރީކޮށް ވަދެވޭނީ އެންމެ 28 ގައުމަކަށެވެ.
ޕާކިސްތާނުގެ ޕާސްޕޯޓް ރޭންކިން ދަށްވެފައި ވަނީ އަފްޣާނިސްތާނުގެ ރެފިއުޖީން ޕާކިސްތާނުގެ ޕާސްޕޯޓް ހޯދުމަށް އޮފިޝަލުންނަށް ރިޝްވަތު ދީފައިވާ ވާހަކަ އާންމު ވުމުން ކަމަށް ރިޕޯޓުގައި ފާހަގަ ކޮށްފައި ވެއެވެ.
