ޔަހޫދީންގެ އަނިޔާ ދެއްކި ފިލްމު ބިނާކޮށްފައިވާ އަވަށް ތަޅާލަން ޔަހޫދީ ސަރުކާރުން ނިންމައިފި

ހިފފައިވާ ފަލަސްޠީނުގެ ހުޅަނގު އައްސޭރީގެ ރަށްކަމަށްވާ އުއްމުލްޚައިރުގެ ރައްޔިތުން މި ވަގުތު ޖެނޮސައިޑް ފޯސްއިން އެމީހުންގެ ބުލްޑޯޒަރުތަކާއެކު އެ އަވަށަށް ވަދެ އަވަށް ތަޅާލާނެ ކަމުގެ ބިރުވެރިކަމުގައެވެ. އުއްމުލްޚައިރަކީ، އޮސްކާ އެވޯޑް ލިބުނު ޑޮކިއުމެންޓަރީ ކަމަށްވާ "ނޯ އަދަރ ލޭންޑް" ގައި އެރަށުގައި ޔަހޫދީންގެ އަނިޔާވެރިކަން ރަމްޒުކޮށްދޭ އަވަށެވެ.

އެ ރަށުގެ ރައްޔިތުން ބުނާގޮތުގައި ޖެނޮސައިޑް ހިންގާ އިޒްރޭލުން ވަނީ ރަށްވެހިގެއާއި އެ އަވަށުގެ ގްރީންހައުސްތަކާއި އާއިލީ ގެތަކުގެ 14 ޢިމާރާތެއް ތަޅާލުމަށް ނިންމައި އެކަން އާންމުކޮށް އިއުލާން ކޮށްފައެވެ. މި ތަންތަން ތަޅާލަން ފެށޭނެ ވަގުތެއް ނޭނގެއެވެ. ނަމަވެސް، އެރަށުގެ އަވަށު އޮފީހުން ނެރެފައިވާ ބަޔާނެއްގައި ބުނެފައިވަނީ އަންގާރަ ދުވަހު ޔަހޫދީން މި ޖަރީމާ ހިންގާނެ ކަމަށެވެ.

ޔަހޫދީ ޖެނޮސައިޑް ސަރުކާރުން ބުނަނީ މި ޢިމާރާތްތައް ބިނާކޮށްފައިވަނީ ޤާނޫނާ ޚިލާފަށް ކަމަށެވެ. ހުޅަނގު އައްސޭރިއަކީ ޔަހޫދީން ހިފާފައިވާ ބިމެކެވެ. އަދި ރައްޔިތުން ބުނަނީ ޢިމާރާތް ކުރުމުގެ ހުއްދަ ހޯދުމަކީ ޔަހޫދީން ދުއްޕާން ކުރަންވެސް މީހުންނަށް ޖައްސާ މުސީބާތެއް ކަމަށެވެ.

ފަލަސްޠީނު މީހުންގެ ޙައްޤުތަކަށް މަސައްކަތްކުރާ އިޒްރޭލުގެ ޖަމާޢަތެއް ކަމަށްވާ ބިމްކޮމް އިން ބުނާގޮތުގައި 2016 އިން 2021 އާ ދެމެދު ޖެނޮސައިޑް ސަރުކާރުން ވަނީ އުއްމުލްޚައިރު ހިމެނޭ ހުޅަނގު އައްސޭރީގެ ސަރަޙައްދު ސީ ގައި ފަލަސްތީނުގެ ރައްޔިތުން އިމާރާތް ކުރުމަށް އެދި ހުށަހެޅި %99 ހުށަހެޅުންތައް ބާޠިލުކޮށްލާފައެވެ.

މިރަށަކީ ޔަހޫދީން ފަލަސްޠީނު ހިފައި ނަސްލު ސާފުކޮށްލުމުން ނަގަބް ސަހަރާއިން އައި މީހުން 1950 ގެ އަހަރުތަކުގައި، އާބާދުވި އަވަށެވެ.1980 ން ފެށިޮގެން ޔަހޫދީން ވަނީ މި ތާނގައ ޔަހޫދީންނަށް ބަސްތީތައް ބިނާކޮށްދީ، ފަލަސްޠީނު މީހުންނަށް ހަމަލަތައް ދެމުން ގޮސްފައެވެ.

މި ރަށަށް ދިމާވާ އަނިޔާވެރި ނޭއްގާނިކަން ދައްކާ "ނޯ އަދަރ ލޭންޑް" ޑޮކިއުމެންޓަރީގައި ދައްކުވައިދެނީ ެޖނޮސައިޑް ސަރުކާރުގެ އެހީގައި ޔަހޫދީ ވަޒަންވެރިން ހިންގާ ޢުދުވާނުތަކުން ސަލާމަތްވުމަށް ރައްޔިތުން ކުރާ މަސައްކަތެވެ.

ހިއްސާ ކުރައްވާ!