ސަރުކާރު ހިއްސާވާ ކުންފުނިތަކުގެ ބޯޑުތަކަށް ބަދަލުތަކެއް ގެނެސް، ބައެއް ބޭފުޅުން ވަކިކޮށް އަދި އައު ބޭފުޅުންތަކެއް މިއަދު އައްޔަންކޮށްފިއެވެ. ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން އާންމުކުރި މި ބަދަލުތައް ތިރީގައި މިވަނީއެވެ.
ވަކިކުރެއްވި ބޭފުޅުން:
-
އާމިނަތު ރައިޝަމް: މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ޑިރެކްޓަރުންގެ ބޯޑުގެ މެންބަރުކަމުން ވަނީ ވަކިކުރައްވާފައެވެ.
-
ޢާއިޝަތު ޢަލީ: ވިޒިޓް މޯލްޑިވްސް ކޯޕަރޭޝަން ލިމިޓެޑްގެ ޑިރެކްޓަރުންގެ ބޯޑުގެ މެންބަރުކަމުން ވަނީ ވަކިކުރައްވާފައެވެ.
އައްޔަން ކުރެއްވި ބޭފުޅުން:
-
ސަޢާދާ އިބްރާހީމް: މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ގެ ޗެއާޕާސަން ކަމަށާއި އެ ކުންފުނީގެ ޑިރެކްޓަރުންގެ ބޯޑުގެ މެންބަރުކަމަށް ވަނީ އައްޔަންކުރައްވާފައެވެ.
- ޒައިނާ ޢަބްދުﷲ: ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ މެންބަރުކަމަށް (ބޭންކިންގ ދާއިރާ) ވަނީ އައްޔަންކުރައްވާފައެވެ.
ސަރުކާރުން ގެންނަ މިފަދަ ބަދަލުތަކަކީ ކުންފުނިތައް ހިންގުން ހަރުދަނާކުރުމަށް ގެންނަ އިދާރީ ބަދަލުތަކެއް ކަމަށް ޕީސީބީން މައުލޫމާތު ދެއެވެ.
