ނިއު ޔޯކް ނިއު ޖާރޒީ ސްޓޭޑިއަމްގައި ކުޅުނު ފޯރިގަދަ ވޯލްޑް ކަޕް ފައިނަލްގައި، އިތުރު ވަގުތުގެ ތެރޭގައި ފެރާން ޓޮރޭޒް ޖަހައިދިން ލަނޑާއެކު 1-0 އިން އާޖެންޓީނާ ބަލިކޮށް ސްޕެއިންއިން ތަށި އުފުލާލައިފިއެވެ. ނަމަވެސް، މި މުބާރާތުގެ ނިމުންވެސް ކިލަނބުވެގެންދިޔައީ ފީފާގެ ރައީސް ޖިއާނީ އިންފަންޓީނޯ އާއި އެމެރިކާގެ ރައީސް ޑޮނަލްޑް ޓްރަމްޕްގެ މުނާފިގު އަދި ނާގާބިލު އަމަލުތަކުގެ ސަބަބުންނެވެ.
މެޗަށްފަހު ބޭއްވި ތަށި ހަވާލުކުރުމުގެ ރަސްމިއްޔާތަށް ޓްރަމްޕް އަދި އިންފަންޓީނޯ ދަނޑުމައްޗަށް އެރި ވަގުތު، ސްޓޭޑިއަމްއަށް އެއްވެފައިތިބި އެތައް ހާސް ސަޕޯޓަރުން ވަނީ އެ ދެމީހުންނަށް އަމާޒުކޮށް ބާރަށް ހަޅޭއްލަވައި، ނުރުހުން ފާޅުކޮށްފައެވެ. ސަޕޯޓަރުންގެ މި ނުރުހުމަކީ މުޅި މުބާރާތުގައި ފީފާގެ ކޮރަޕްޝަނާއި، ޓްރަމްޕްގެ ސަރުކާރުން ހިންގި ތަފާތުކުރުންތަކަށް އަމާޒުވި ރައްދެކެވެ.
މުބާރާތުގެ އިންސާފުވެރިކަން ގެއްލުވާލި "ޓްރަމްޕް-ފީފާ" ގެ ސިއްރު ޑީލް
ތަށި ހަވާލުކުރުމުގެ މަރުހަލާގައި ޓްރަމްޕަށް ސަޕޯޓަރުންގެ ހޫނު ރައްދެއް އަމާޒުވީ، މުބާރާތުގެ ތެރޭގައި އޭނާ ފީފާގެ ގަވާއިދުތަކާ ހިލާފަށް ނުފޫޒު ފޯރުވި މައްސަލަ ބޮޑުވެފައިވަނިކޮށެވެ. ގްރޫޕް ސްޓޭޖުގައި އެމެރިކާގެ ފޯވާޑް ފޮލަރިން ބަލޮގުންއަށް ދެއްކި ރެޑް ކާޑުގެ މައްސަލައިގައި، ޓްރަމްޕް ވަނީ ސީދާ ފީފާގެ ރައީސް އިންފަންޓީނޯއަށް ފޯނުން ގުޅުއްވައި އެ ކާޑު ރިވިއުކުރުމަށް މަޖުބޫރުކޮށްފައެވެ.
ދުނިޔޭގެ ފުޓްބޯޅައިގެ މިނިވަންކަން ހިފަހައްޓަންޖެހޭ ފީފާއިން ވަނީ ސިޔާސީ ބާރުގެ ކުރިމަތީގައި ކަކޫޖަހައި، ބަލޮގުންގެ ސަސްޕެންޝަން އުވާލާފައެވެ. މިއީ މުބާރާތުގެ އިންސާފުވެރިކަން މުޅިން ގެއްލުވާލައި، ފީފާގެ މުނާފިގުކަން ހާމަވެގެންދިޔަ ކަމެކެވެ. ނަމަވެސް، މިފަދަ ނޭދެވޭ ނުފޫޒުތަކާއެކުވެސް އެމެރިކާ ވަނީ ގަދަ 16 ގެ ބުރުގައި ބެލްޖިއަމް އަތުން 4-1 އިން ބަލިވެ، ލަދުވެތިގޮތަކަށް މުބާރާތުން ކަޓާފައެވެ.
ދަނޑުމަތީގައި ސްޕެއިން އާއި އާޖެންޓީނާގެ ކުރިމަތިލުން ފެނުނީ ވަރަށް ބޮޑަށް ދިފާއީ އަދި ހާސްކަން ބޮޑު މެޗެއްގެ ގޮތުގައެވެ. ގިނަ ބައެއްގެ ސަމާލުކަން ހުއްޓުނު ލިއޮނަލް މެސީ އަދި ޒުވާން ތަރި ލަމީން ޔަމާލްއަށްވެސް މި މެޗުގައި މާ އެދެވޭ ކުޅުމެއް ނުދެއްކުނެވެ. މެޗުގެ ނަތީޖާ ބަދަލުކޮށްލީ ސްޕެއިންގެ ބަދަލު ކުޅުންތެރިންނެވެ. މެޗުގެ 106 ވަނަ މިނިޓުގައި ފެރާން ޓޮރޭޒް ޖެހި ލަނޑާއެކު، ސްޕެއިންއިން ވަނީ ދުނިޔޭގެ ޗެމްޕިއަންކަން ދިފާއުކުރަން ނުކުތް އާޖެންޓީނާގެ ރަސްކަން ނިމުމަކަށް ގެނެސްފައެވެ.
މި މުބާރާތް ނިމިގެންދިޔައީ ދަނޑުމަތީގެ ފޯރިއަށްވުރެ ބޮޑަށް، ފީފާގެ ނަސްލީ ތަފާތުކުރާ ރޭސިސްޓް ސިޔާސަތުތަކާއި، ހޯސްޓް ގައުމުގެ ނުލަފާ ކަމައި ސިޔާސީ ނުފޫޒުތަކުގެ ސަބަބުން ތާރީޚުގައިވެސް ފެނުނު އެންމެ ބޮޑު ފުޓުބޯޅައިގެ ފޭލިވުމުގެ ގޮތުގައެވެ.
