އެމެރިކާގެ ސައިންޓިފިކް ދިރާސީ ބަޖެޓުތައް ކުޑަކުރަމުންދާ ދަނޑިވަޅެއްގައި، ޗައިނާއިން ސައިންސާއި ޓެކްނޮލޮޖީގެ ދާއިރާއިން ކުރާ އިންވެސްޓްމަންތައް ވޭތުވެދިޔަ އަހަރު މުހިންމު މިންވަރަކަށް އިތުރުކޮށްފައިވާކަން ޗައިނާގެ ތަފާސްހިސާބުތަކުން ދައްކައިފިއެވެ. ޗައިނާގެ ޤައުމީ ތަފާސްހިސާބާ ބެހޭ އިދާރާއިން ހާމަކޮށްފައިވާ ގޮތުގައި، 2025 ވަނަ އަހަރު ދިރާސާތަކާއި ތަޖުރިބާކޮށް އުފެއްދުމުގެ މަސައްކަތްތަކަށް އާރް އެންޑް ޑީއަށް ކުރި ޖުމްލަ އިންވެސްޓްމަންޓް ވަނީ 3 ޓްރިލިއަން ޔުއާނަށްވުރެ މައްޗަށް ގޮސްފައެވެ.
ސައިންސްވެރިން ފާހަގަކުރާގޮތުގައި، މިއީ ބައިނަލްއަޤްވާމީ ޓެކްނޮލޮޖީގެ މައިދާނުގައި ދެ ޤައުމުގެ ދެމެދުގައި އޮތް ވާދަވެރިކަން އިތުރަށް ބޮޑުވެގެންދާނެ ކަމެކެވެ. މިދިޔަ އަހަރު ޗައިނާއިން މި ދާއިރާއަށް ކުރާ ޚަރަދު 8.2 އިންސައްތަ އިތުރުކޮށްފައިވާއިރު، މީގެ ތެރޭގައި ސައިންސާއި ޔުނިވާސިޓީތަކަށް ދޭ ފަންޑުތައް އިތުރުވެފައިވާކަން ފާހަގަކުރެވެއެވެ.
އެމެރިކާގެ ސައިންޓިފިކް ދިރާސީ ދާއިރާތަކުން ބަޖެޓު ކުޑަކުރަމުންދާ ދިއުމާ ޚިލާފަށް، ޗައިނާއިން މި ދާއިރާއަށް ދެމެހެއްޓެނިވި ގޮތެއްގައި އިންވެސްޓްމަންޓް އިތުރުކުރަމުންދާކަން ތަފާސްހިސާބުތަކުން ހާމަވެއެވެ. އިތުބާރު ހުރި މަސްދަރުތަކުން ބުނާގޮތުގައި، ޗައިނާއިން ދިރާސީ ދާއިރާއަށް ކުރާ ޚަރަދުތައް މަތިކޮށް ބެލެހެއްޓުމުގެ ސަބަބުން، ކުރިއަށް އޮތް ތަނުގައި އީޖާދީ މަސައްކަތްރުމާއި ޒަމާނީ ޓެކްނޮލޮޖީގެ ކުރިއެރުމަށް ޗައިނާއަށް ބޮޑެތި ކުރިއެރުންތަކެއް ލިބިގެންދާނެއެވެ.
