ޕަންޖާބު ޕޮލިހުން ވަނީ ދިއްލީގައި ހުންނަ ޕާކިސްތާންގެ ހައި ކޮމިޝަންގެ އޮފިޝަލަކާ ގުޅުން ހުރި ޖާސޫސީ ހަރަކާތްތަކެއް ހިންގި ކަމަށް ތުހުމަތު ކުރެވޭ އިންޑިއާ ދެ މީހަކު ހައްޔަރުކޮށްފަ އެވެ. ފުލުހުންނަށް ލިބިފައިވާ ޖާސޫސީ މައުލޫމާތަށް އަމަލުކޮށް، ފުރަތަމަ ޝައްކު ކުރެވޭ މީހާ ހިފަހައްޓާފައި ވަނީ އިންޑިއާ ސިފައިންގެ ހަރަކާތްތަކުގެ ތަފްސީލުތައް ޕާކިސްތާނުގައި ހުންނަ މީހަކަށް ލީކް ކުރި ކަމަށް ތުހުމަތު ކޮށެވެ. ދެވަނަ އަށް ޝައްކު ކުރެވޭ މީހާ ހައްޔަރުކޮށްފައި ވަނީ އޭނާ ކަންކަމާ ބެހޭ ގޮތުން ހޯދައި އަހައި ސުވާލު ކުރުމުންނެވެ.
މި ދެމީހުންނަށް ސިއްރު މައުލޫމާތު ހިއްސާކުރުމަށް ޕާކިސްތާނުން ފައިސާ ލިބި، އެމީހުންނާ ގުޅުން ހުރި ފަރާތްތަކަށް ފައިސާ ޗެނަލް ކުރިކަމަށް ތުހުމަތުކޮށްފައި ވެއެވެ. މި ދެމީހުންގެ އަތުން ދެ މޯބައިލް ފޯނެއް އަތުލައިގަނެ، އެމީހުންނާ ދެކޮޅަށް މައްސަލަ ވެސް ފުލުހުން ވަނީ ފައިލް ކޮށްފައެވެ.
ފުލުހުން ބުނަނީ މިމީހުން ހައްޔަރު ކުރުމަކީ ބޯޑަރު ހުރަސްކޮށް ކުރިއަށް ގެންދާ ޖާސޫސީ ނެޓްވޯކްތައް ރޫޅާލުމަށް އެޅި މުހިންމު ފިޔަވަޅެއްގެ ގޮތުގައެވެ. ނަމަވެސް މިއީ ކިހާ ބުރަދަނެއް ހުރި ކަމެއްކަން އެހެން ފަރާތކުން އަދި ކަށަވަރުކޮށެއް ނުދެއެވެ.
