އުރުދުންގެ ވައިގެ އަސްކަރީ މަރުކަޒަކަށް އީރާނުން ދިން ކާމިޔާބު ހަމަލާއެއްގައި މަރުވި އެމެރިކާގެ ސިފައިންގެ ދެ ޒުވާނުންގެ މައުލޫމާތު ވޮޝިންޓަގަންއިން އާންމުކުރި ތަނާހެން، އެމެރިކާގެ މީސް މީޑިއާގެ މަންސަތައް ގޮވައިގެން ދިޔައީ ނުރުހުމާއި ކެކިއެރުމުގެ ބޮޑު ރާޅަކުންނެވެ. މިއީ ހަމައެކަނި 19 އަހަރުގެ ޒުވާން އަންހެން ސިފައިންގެ މީހަކު ވަކިވެދިއުމުން ފާޅުކުރި ހިތާމައެއް ނޫނެވެ. މިއީ އެމެރިކާގެ ސިޔާސީ ނުފޫޒުގަދަ ވެރިން، އެމެރިކާގެ އެއްވެސް މަސްލަހަތެއް ނެތް، އަދި އިސްރާއީލު ހިމާޔަތްކުރުމަށާއި އެޕަލްގެ ފާސިދު ސިޔާސީ ނުފޫޒުގައި އަމިއްލަ އެދުންތަކަށްޓަކައި ކުރާ "ޕްރޮކްސީ" ހަނގުރާމަތަކަށް އެމެރިކާގެ ޒުވާނުން ގުރުބާން ކުރަމުންދާތީ ފެށުނު ބޮޑު އިހުތިޖާޖެކެވެ.
އިރާނާއެކު ހިނގަމުންދާ ކުރިމަތިލުންތަކުގައި މަރުވި އެމެރިކާ ސިފައިންގެ އަދަދު 17 އަށް އަރާފައިވާއިރު، އާންމުންގެ ކެތްތެރިކަން މިވަނީ ކޮޅުން ލައިފައެވެ.
"އިސްރާއީލަށްޓަކައި ގުރުބާންކޮށްލި ފުރާނަތަކެއް"
އެމެރިކާއިން މެދުއިރުމަތީގައި ހަރަކާތްތެރިވަނީ އިސްރާއީލުގެ ދިފާއުގައި ކަމަށް ބުނެ، ޑިޖިޓަލް މަންސަތަކުގައި މިހާރު ވަނީ ވަރުގަދަ ބަހުސެއް ފެށިފައެވެ. މިކަމާ ގުޅޭގޮތުން ނުރުހުން ފާޅުކުރި ގިނަ ނޫސްވެރިންނާއި އިންފްލުއެންސަރުންގެ އަޑު ދަނީ ގަދަވަމުންނެވެ.
މިނިވަން ނޫސްވެރިއެއް ކަމަށްވާ އީތަން ވިންސް ލިޔެފައިވެއެވެ:
"އިޒަބެލާ ގޮންޒާލެސްގެ އުމުރަކީ އެންމެ 19 އަހަރެވެ. އޭނާ މެދުއިރުމަތީގެ ހަނގުރާމައަށް ފޮނުވީ އިސްރާއީލަށްޓަކައި ހަނގުރާމަކުރާށެވެ. އޭނާ މަރުވީ އޭނާގެ އެއްވެސް އިޚުތިޔާރަކާ ނުލައި، އިސްރާއީލުގެ ދިފާއުގައެވެ."
މިއާ ގުޅިގެން ލިއުންތެރިޔާ އީވާން ކިލްގޯރ ސޯޝަލް މީޑިއާގައި ލިޔެފައިވަނީ، މި ވާހަކަތަކާ މެދު އޭނާ އިންތިހާއަށް ފޫހިވެއްޖެ ކަމަށެވެ.
"މި ރީތި ޒުވާން އަންހެންކުއްޖާއާއި ފިރިހެންކުއްޖާ މަރުވީ އިސްރާއީލަށްޓަކައެވެ. ތާކުންތާކު ނުޖެހޭ މިފަދަ ކަންތަކުން އަހަރެމެން ފޫހިވެއްޖެއެވެ. އަހަރެމެން ބޮން އަޅަންވީ އިރާނަކަށް ނޫނެވެ. އިސްރާއީލަށެވެ."
"އަލްރެޑީ ބޭންޑް" ނަމަކަށްދީފައިވާ އެކައުންޓަކުން ނުރުހުމާއެކު ސުވާލު އުފެއްދިއެވެ:
"އެއްވެސް ސަބަބެއް ނެތި އެމީހުން މަރުވީ އިސްރާއީލަށްޓަކައެވެ! ހަނގުރާމައަށް ދެވިހިފާފައިވާ ގައުމަކަށްޓަކައި، އަދި އިޕްސްޓީންފަދަ މުޖުރިމު މަހުޖަނުންގެ ނުފޫޒުގަދަ މީހުންގެ ކުށްތައް ފޮރުވުމަށްޓަކައެވެ. އަހަރެމެން 'ނޫނެކޭ' ބުނާނީ ކޮން އިރަކުން ހެއްޔެވެ؟"
ރޮން ވޯލް އިންސްޓިޓިއުޓްގެ އެގްޒެކެޓިވް ޑިރެކްޓަރު ޑެނިއަލް މެކްއެޑަމްސް ވަނީ އެމެރިކާ ސަރުކާރުގެ ހަނގުރާމަވެރި ސިޔާސަތުތަކަށް ވަރަށް ނުރައްކާތެރި އަދި ތޫނު ފާޑުކިއުމެއް އަމާޒުކުރައްވާފައެވެ. އޭނާ ސިފަކުރެއްވި ގޮތުގައި، މި މަރުވި ޒުވާން އަންހެން ސިފައިންގެ މީހާއަކީ ވޮޝިންޓަންގައި ބިއްލޫރި ގަނޑުވަރު ތަކާއި ގޭގޭގައި ދިރިއުޅޭ ނުފޫޒުގަދަ ފަނާކުރަނިވި ކުރަނިވި ވެރިންގެ "ހަނގުރާމައިގެ ދަރު" އެވެ. އެމީހުންގެ ނަޒަރުގައި އެރީތި އަންންކުއްޖާއަކީ ހަމައެކަނި ނަންބަރެކެވެ.
"އިސްރާއީލަށްޓަކައި މަރުވުމާއި ގުރުބާން ކުރުން ކުރިއަށް ގެންދާށެވެ. އިޒަބެލާއަކީ މިއަށްވުރެ މާ ފުރިހަމަ ދިރިއުޅުމެއް ހައްގު ކުއްޖެކެވެ. ނަމަވެސް، މި އަނިޔާވެރި ހަނގުރާމައިގެ މެޝިނުގެ ބަނޑެއް ދުވަހަކުވެސް ނުފުރޭނެއެވެ. އަދި ހަނގުރާމައިގައި އަބަދުވެސް ގުރުބާންވާންޖެހެނީ ނިކަމެތިންނާއި ނިކަމެތި އާއިލާތަކުގެ ދަރިންނެވެ."
>
