ޕާކިސްތާން ތަހްރީކް އިންސާފް (ޕީޓީއައި) ގެ ޗެއާމަން ޖައުހަރު އަލީ ޚާން ވަނީ އަލްގާދިރު ޓްރަސްޓް މައްސަލައިގައި ކުރީގެ ބޮޑުވަޒީރު އިމްރާން ޚާން ކަފާލާތުގެ ދަށުން ދޫކޮށްލުމަށްޓަކައި ޖޫން 11 އަކީ "މުހިންމު ތާރީހެއް" ކަމަށް ވިދާޅުވެފަ އެވެ. 2023 ވަނަ އަހަރުގެ އޮގަސްޓް މަހުން ފެށިގެން ޖަލު ބަންދުގައި ހުންނެވި ޚާންގެ މައްޗަށް ދައުވާ އުފުލާފައި ވަނީ އޭނާގެ އަނބިކަނބަލުން ބުޝްރާ ބީބީގެ މައްޗަށް ދައުވާ ކުރާ ކޮރަޕްޝަންގެ މައްސަލައަކާ ގުޅިގެންނެވެ.
އިސްލާމްއާބާދު ހައިކޯޓުން ކަފާލާތުގެ އަޑުއެހުން ޖޫން މަހުގެ 11 ވަނަ ދުވަހަށް ފަސްކުރީ ނޭޝަނަލް އެކައުންޓެބިލިޓީ ބިއުރޯއިން ހުށަހަޅަން ޖެހޭ ލިޔެކިޔުމަށް އިތުރު ވަގުތު އެދުމުންނެވެ.
މުޅި ގައުމު މުޒާހަރާ އަކަށް ނިކުތުމުގެ ހަރަކާތެއް ފެށުމަށް ޕީޓީއައި އިން ރާވާފައިވާކަން ޖައުހަރު އިއުލާން ކުރެއްވީ ޕާކިސްތާނުގެ ޑިމޮކްރެސީ ދިރުވުމަށް އިދިކޮޅު ޕާޓީތަކަށް ބައިވެރިވުމަށް އިލްތިމާސް ކުރައްވަމުންނެވެ.
އޭނާ ވަނީ ޕީޓީއައިގެ އެތެރޭގައި ބައިބައި ވުން އުޅޭކަމަށް ބުނާ އަޑުތައް ދޮގުކުރައްވައި ޚާން ދޫކޮށްލުމުގެ މުގާބިލުގައި ސަރުކާރާއެކު އެއްވެސް ޑީލެއް ނުހަދާނެ ކަމަށް ބނެފައެވެ. ސަރުކާރުން ވަނީ އިމްރާން ޚާނަށް ފިއްތުމަށް ބުޝްރާ ބީބީވެސް ބަންދުކޮށްފައެވެ.
